Mini Friday (銀城廣場) (已結業)

有朋友生日，我地冇去酒吧饮酒，冇去高级餐厅据扒，简简单单喺楼上餐厅食返餐倾下偈都几舒服。呢度嘅装修简约，环境气氛好适合朋友聚会，我地点左几款食物：辣肉肠巴马火腿薄饼薄饼香脆够薄，食落去卜卜声。巴马火腿配合埋芝士同薄饼一齐食层次丰富，火箭菜亦够新鲜，可以中和口里嘅咸香。水牛城鸡翼每只鸡翼都挂满酱汁，酸酸辣辣咁，偏向属于微辣，连唔食辣嘅朋友都食好，而且鸡肉嫩滑，好开胃。皇牌威灵顿牛柳酥皮金黄酥脆，切开之后 （唔记得影）牛柳系粉嫩嘅，有一层厚厚嘅菇蓉，香浓好味。而且牛熟控制得很好，牛柳唔会有过多嘅肉汁留出，又唔好韧。心太软配雪糕外层脆脆的，切开之后就见到流芯。朱古力味浓郁，配埋冻冻嘅雪糕食超正。焦糖炖蛋面层嘅焦糖烧得十分香脆，闻到阵阵嘅焦糖香味。入口时侯同内层嘅嫩滑炖蛋互相融合，口感层次丰富。而且炖蛋本身唔会过甜，连埋焦糖食啱啱好。