泰迷你廚房

营业中

休息中

本身想黎呢个商场食饺子但7点等位人数实在太惊吓，于是转移阵地黎试下呢间泰菜。其实我成日黎呢边啲商场见过好多次想试的了。餐厅位置不多，好窄，不过呢个商场既小店全部都系咁，所以我都将就将就，唔太介意。佢既全日套餐都好抵，全部都系40-50几蚊左右连饮品。加15蚊仲有小食。另外就有啲单店食品如炒菜同汤就50-60蚊左右。我地两人叫左两个餐同两款小食，份量刚刚好。呢碟已经包含两款小食，猪颈肉同炸串串丸。猪颈肉份量都多，味道可以，但偏干身。串串丸就有几款丸，牛、墨鱼，猪肉等，全部都炸过，口感唔错，味道都几好。呢款泰式海鲜炒金边粉，即叫即炒，入面海鲜份量都唔少既，金边粉份量刚好，口感都ok。可惜调味略嫌不足，只带点淡淡酸味，不过相对清淡，唔会太油。另一款系香辣肉碎饭，但唔记得影相份量刚好，肉碎偏瘦但调味都ok, 都一样系唔多油，系唔够辣。