少爺泰 (已結業)

假日去朋友屋企度玩，朋友话屋企附近新开左间抵食嘅泰国餐厅，于是就带我去试吓啦餐厅门面都几靓，色彩丰富，俾人一种好舒服嘅感觉而且客人都好多，去到已经差唔多坐满哂人，好彩咁啱有一枱客人走先至有位俾到我地假日都有午餐餐牌，菜式都几吸引，而且价钱合理，我同朋友都分别叫咗两个唔同嘅餐一齐share黎食叫完嘢食冇耐先来左两杯餐饮，我哋分别叫咗泰式奶茶同埋香茅青柠特饮个杯系俘虏骨头形状，十分有趣。泰式奶茶味道浓郁，系会有少少偏甜，但系咁样先够地道。而香茅青柠特饮味道清爽，青柠味道浓郁，带有少许香茅味，夏天饮，解暑一流!!!泰皇鸡翼捞檬粉，鸡翼嘅份量都几多，而且系单骨鸡翼，非常贴心，方便客人食用，而且香茅味道浓郁，非常惹味，鸡翼外脆内软，十分好食。而檬粉软硬适中，配上鱼露，酸酸甜甜好开胃另外𠮶碟就系虾酱泰国腊肠炒饭，份量一样好多，一上枱已经闻到阵阵嘅虾酱味，虾酱味道浓郁，腊肠嘅份量都好多，味道咸香，唔错主菜餐牌都有好多唔同款式嘅嘢食，一于下次再嚟试吓