日牛涮涮鍋專門店 (已結業)

新蒲岗依间牛涮锅放题开左好多年，一直都好少帮衬，今日下午心血来潮想打边炉就谂起佢。佢有分单碟同放题，两者都可以任食出面嘅配菜同埋饮品甜品。我就拣左最平放题餐$118，因为单碟最平都要$88差三十蚊就试试佢。配菜一眼睇哂，以素菜菇菌同肉丸肠仔为主，都系啲普通急冻货色，唔会有太大期望。最平嘅餐配嘅肥牛只有澳洲牛，唔好煮太耐30秒够，太耐好鞋口。$118 可以接受。个锅都系细锅为主，几片牛几条肠已经打爆左。菜系新鲜嘅。甜品除左有机济雪糕外就系依个柜，一眼睇哂。本人冇试。个人食完觉得食物同价钱系成正比，价钱都唔算贵。但服务质素认真麻麻，冇人执枱收碟之余，上菜速度都好慢。