老富昌法國餐廳 (已結業)

话说今日同个旧同事食饭，对于我地呢D OL黎讲，难得可以放平日，紧系去食贵野啦。识食一定食LUNCH。因为平好多，嘻嘻!!!首先叫个前菜先啦。烧鸡凯撒沙律。好多时烧鸡都会好干、好柴，但呢个完全无，仲好滑，附带一股烧烤既味道，好味!!!其次，沙律菜好甜，沙律酱既份量恰到好处。唔会太少太干，亦唔会太多太漏。第二个前菜就系法式焗田螺。本身我唔食的，但闻到好香，都试左一粒。我只觉得林林地，无咩咬口，但我朋友就话几好食。呢个我无得比较。主菜就叫左鹅肝杂菌芝士意大利饭。其实我唔系想叫呢个，原先系想叫佢地有个意大利饭直接系好大旧芝士到整，但唔知系唔系得夜市先有，唯有叫呢个。先讲鹅肝，份量都十份大旧，煎得好香，油脂我觉得多得滞。食半旧已经觉得好肥腻。到个饭，质感都唔错，唔会太硬同太淋，但杂菌同芝士味都唔太突出，魏个人觉得唔算出色。由于对个主菜有少少失望，所以对甜品都无寄望。但世事就系咁，你愈无期望既野就带比你愈大既冲击。呢个朱古力心太软，一切开浓浓既朱古力酱好澎湃咁流出黎，一食，应该系黑朱古力，唔太甜，食到少少既苦味。加埋个暖暖既外皮同冻冻既雪糕，噢!终于满足了!!!!!!!