東哥點心籠仔蒸飯專門店

营业中

休息中

自己平时好钟意食点心，东哥一向算系平价，所以都成日食，可惜今次有少少失准。今次三个人食，分别叫咗笼仔虫草花鸡蒸饭、烧卖、鸡札、小笼包同流沙包。🌸笼仔虫草花鸡蒸饭🌸$49好耐都冇见过大大个嘅荷叶包饭啦！虽然价钱好平，但份量好多，就算4个人食都有突。自己最钟意东哥嘅滑鸡，外皮好滑而肉地都好嫩，一咬会化丝。🌸蟹籽烧卖皇🌸$28每粒烧卖都有大大粒虾系上面，食落弹牙。🌸鱼肚滑鸡札🌸$28个人认为呢款系必叫！有几可仲见到一旧鸡札入面有两大旧鱼肚😭市道咁差都咁足料，加晒分。🌸小笼包🌸$28做到包汤效果，可惜皮略厚。🌸流沙包🌸$28呢款就有啲失色啦，做唔到流沙效果，可以唔叫。