金鳳大餐廳 (D2 Place TWO)

营业中

休息中

約朋友係荔枝角食飯，日本野唔想食台灣野唔想食正宗西餐又話唔想食，咁一於就去金鳳大餐廳啦，點都有野你食啦嘛朋友！金鳳大餐廳有飯有意粉有牛扒有豬扒有雞扒…呢間店係比較新既，所以環壞上沒有總店那麼懷舊，但係就好乾淨啦！ 等位的情況都係一樣排曬長龍，好彩 D2  有好多小店，等位時都可以周圍行下街！我呢就點了個美式什扒餐 ($92) 我本人呢就唔中意用鐵板上既，金鳳大餐廳可以比我用碟上，但記得落單就要講明！每個餐都跟一款西湯同一杯野飲，十分抵食！個牛油餐包熱辣辣，好好味！好味到有衝動叫佢比多十個八個餐包我而放棄份什扒。留左一半個餐包配餐湯，我就叫咗我最愛既白湯，裡面有雞粒同粟米粒 。什扒餐有燒汁同黑椒汁揀，  中意佢既肉質軟肉味濃，想平平地食一餐，不妨真係選擇金鳳，一定啱晒你口味。