金鳳大餐廳 (D2 Place TWO)

营业中

休息中

平時返工，成日都去呢度食午餐，除左本身嘅主菜同飲品之外，仲有湯有餐牌，感覺好抵，下午2點之後去，仲有折添。不過始終呢度都係出名食扒，出糧之後就放心食扒啦！睇下餐牌先是日忌廉湯 雖然羅宋湯比較出名，不過今次想飲白湯。忌廉湯有煮得幾軟，但仍然保持形狀嘅紅蘿蔔粒，可以都有少少洋蔥，非常creamy，適合用來點湯。野菌牛柳（五成熟）（加蒜茸$2） $145呢個比一般鐵板牛柳貴少少，分別係寫明野菌，就會得到用專屬容器裝好一份、有雜菌嘅燒汁，淋落鐵板上面，一般嘅燒汁黑椒汁，會用大桶拎過來。食港式鐵板，我習慣叫生啲，等鐵板慢慢加熱嘅。不過好彩下面有薯條墊一墊，會熟都唔會熟太多。鐵板上面有兩塊牛柳，早食嘅一塊腍啲；之後等熟啲食另一塊，肉味濃啲，變成我原本想食嘅七成熟，食埋充份吸收醬汁仲有少少脆嘅薯條，同翠玉瓜，感覺滿足。欣賞經理哥哥落醬汁前，會提醒餐紙放緊枱邊，避免彈親，保障安全。凍檸檬茶紅茶味濃，加埋檸檬調味，可以解膩。服務費 $14.5找零差額 $0.5總數 $160

朋友約係D2食港式扒餐，都好一段時間無食，一於懷舊下......我地去到6點半左右，嚇左一跳，唸住工商區唔會有太多人啦，點知6點幾已經滿座，要攞飛等位🥲等左幾張總算入座，我地叫左比目魚松露汁（+$25轉餐）+ 什扒餐黑椒汁, 兩份都係set,所以都有跟餐湯,餐包同餐飲...🍽️羅宋湯酸味幾重🍽️餐包外表平平，但軟熟好味窩！如果有，真係可以食多個！🍽️ 比目魚配黑松露汁$132 -轉套餐$25以為魚係碟上，點知都同樣係鐵板上😃 魚肉好厚身下，薯條同翠肉瓜墊底，肉眼可見魚既兩邊都煎得好脆但裡面既魚肉都仲保持到濕潤同唔嚡口。黑松露汁係亮點，好濃既黑松露香氣，食牛扒既friend都倒左d黑松露汁試下。唔夠汁，職員好好甘再倒左一份比我地🍽️什扒餐配黑椒汁$134分量十足，牛扒，豬扒，腸仔，火腿，雞翼，薯條，配菜……滿到要分d係碟先切到。最好味係豬扒，好厚身但唔硬或黐牙有好多唔同既promotion, lunch set係抵食

啲肉超級鹹到爆全部用肉鬆粉那到太淋， 服務質素超差，我3人幫襯坐4人枱低連食都未夠30分鐘其中一位未食完去咗洗手間， 之後有一位攣頭髮戴眼鏡嘅店員即時沖埋嚟 話因為有客人要我地的起身 ， 但我先生當時仲食緊，亦已經多次同佢講咗我哋係三個人其中一個只係去咗洗手間， 但店員不加理會照樣安排2位客人坐低， 當時隔離枱有張6人枱只係坐咗2人 而且當時亦有其他枱 為什麼唔安排呢？ 我即時向店長反映， 但店長淨係話佢唔記得咗我係三個人，有咩理由有份餐同埋杯滿既嘢飲都放喺度都話唔知道仲有人坐喺度？ 同埋已經同佢講咗4次其中一個去咗洗手間，咁都叫唔知道😡 呢間野我永遠都唔會再幫襯， 誠意二百幾蚊一個餐仲要只係食咗37分鐘就被聲走 簡直係離曬譜

【深水埗區】【金鳳大餐廳】同大學同學耀哥好耐冇見，最近佢遇到一啲困難，我作為「問題解決師」兼「解決問題界 KOL」，當然要挺身而出、拔刀相助。不過佢嗰啲其實好小事啫，三兩吓手勢就解決咗，起碼唔使我用腦先。不過既然出咗嚟，咪食個飯囉，當大家聚吓舊都好吖嘛。佢話想食金鳳，我哋就去咗荔枝角 D2 Place Two 嘅分店，叫咩扒都好，實有「牛油餐包」同「餐湯」，質素都係咁上下，冇咩好講。我就食 $218 嘅「貴族牛扒」，即係美國牛肩肉，要五成熟、蒜蓉汁、鐵板上，食落唔係太大份，不過味道算係過得去嘅。佢就要 $190 嘅「每月特選晚餐」，有「胡麻醬蟹棒沙律」、「鐵板帶子西冷牛扒」，佢要五成熟、蒜蓉汁，仲有晚餐甜品「朱古力雪糕」，佢就話正常水準。餐飲佢要「凍檸茶」，我要「凍奶茶」，加埋一埋單 $449，算啦我畀啦，一餐半餐我豪得起嘅。。。（地址：荔枝角長順街15號D2 Place TWO 3樓312號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delici

好耐冇鋸扒今日去咗荔枝角所以就去D2 Place間金鳳度醫肚鐵板牛小排 七成熟 跟蒜蓉汁出嚟真係有七成熟嘅效果冇乜筋位 所以唔會太韌不過略嫌薯格有啲油整體嚟講係鋸扒退好地方❤️

今次去咗荔枝角D2 Place TWO 三樓嘅金鳳大餐廳食久違了的鐵板餐水準同以前一樣今次去食嘅時間係下午茶時間價錢都好抵食雖然唔係食靚牛但係味道都唔錯今次叫咗兩個餐，兩個餐都有餐包，餐湯可以選忌廉湯或者羅宋湯，同埋仲有餐飲。上餐時間非常之快，仲快過連鎖快餐店😂3分鐘就上齊晒全部嘢，食都食唔切鐵板啲薯條勁好食！可以選擇黑椒汁同蒜蓉汁，牛扒嘅肉都算嫩，另外一個餐叫做牛肩肉加腸仔，兩個餐都好夠熱，熱到啲薯條燶咗😂總括而言，非常滿意！

中秋節夜懶得叫女友煮，想出去行下又食吓野-D2place 同金鳳。 叫咗個晚餐，帶子配西冷牛扒。 餐包餐湯沙律～基本嘢，正正常常味道，羅宋湯起碼俾我感覺新鮮嘅，唔似有啲地方好似煮咗好多日咁😅。主角出場，揀咗黑椒汁，帶子二粒～爽甜，西冷牛扒今次口感幾好，唔似落「鬆肉粉」咁鬆晒無口感，但牛味欠奉，小小薯格格墊底，多啲更好，反而啲脆肉瓜幾好食。晚餐有甜品送，意外驚喜係雪糕，仲以為會係啫喱。老牌店係有佢哋嘅水準，未必話佰份佰滿分，但整體質素都一定令你滿意。P.S.有啲好奇係,如果唔叫晚餐，散叫西冷牛扒，店員話係碟上，無得鐵板上，但晚餐帶子西冷牛扒就得，可以鐵板上，呢個係乜嘢邏輯，但係餐牌入面個圖係鐵板，費解？！回頭度：8/10

港式扒房有種魅力 我覺得其他扒房好難取代～ 當中我覺得其中一間幾受歡迎嘅就係金鳳，佢喺香港有好幾間分店主打鐵板餐！細細個就好鍾意食鐵板餐，因為好喜歡嗰個扒放落鐵板上面咋咋聲嘅聲音😍今次就去開荔枝角D2，見到金鳳喺呢度有分店，我同朋友就叫咗各自一份鐵板餐。🌟貴族牛扒（五成熟）（黑椒汁）🌟星西冷牛扒餐（五成熟）（蒜蓉汁）兩款唔同嘅牛扒餐係牛嘅部位，而貴族牛扒，店員仲話可以唔用鐵板上，但我覺得嚟到點會試吓鐵板啊，所以都係用咗鐵板上叫咗五成熟。我同朋友分別叫咗黑椒汁同蒜蓉汁兩種味道都好濃郁，個人比較喜歡黑椒汁，令到肉質更加香濃惹味。而另外配菜仲有薯格，係平時比較少見，因為我通常都食開薯條～呢個餐仲包括埋嘢飲，仲有羅宋湯或者係忌廉湯飲選擇。整體嚟講我覺得呢種港式情味，金鳳都保留得唔錯，推薦大家試吓

已經食過幾次 水準依然keep 到多數黎食lunch因為性價比高星期六日多數要等位餐廳係D2 place入面，有冷氣舒服等位唔怕熱食鐵板最怕成身油煙味，而呢到抽風做得好好Lunch meun間唔中會轉 鐵板餐$8x一份包餐湯、餐包、野飲推薦想食鐵板又怕油煙味既朋友黎試

細個時候屋企人去鋸扒都會去金鳳，所以對呢間餐廳嘅名非常熟悉。長大後工作太忙，都好少機會同屋企人食飯。難得今晚唔使OT，去咗D2 Place嘅金鳳大餐廳，親切嘅感覺返晒嚟。經典是日餐湯加餐包餐包上檯夠熱夠軟熟。質素一啲都無求其，忌廉湯夠creamy，完全無過稀嘅質感。羅宋湯味道係正宗港式餐廳嘅紅湯味，好懷念。招牌牛柳扒套餐雖然鐵板上，但睇得上有預埋鐵板上嘅時間，所以叫三成就真係食嘅時候足3成，無多無少夠細心。牛柳份量好勁，兩大塊。肉質唔柴有彈性，無用偷偷地用鬆肉粉。牛味特濃。T骨牛扒餐T骨肉質嘅骨質真係好滑，食近骨嘅肉嘅時候感覺個牛肉味更加濃郁，薯菜係底吸收哂肉同骨嘅味，最後先食係最香最好食。同埋一大塊T骨咁上檯真係好過癮。

我地星期日去，所以比較多人，而且地方唔係好大，所以等位都等左一段時間。我地等左一個鐘左右，所以建議拎左飛先去行下街。📝之前有係其他分店食過，肉質比較硬。🙂第一次呢間分店食，整體不錯。👍🏻叫左一個牛柳餐，一個T骨餐 每個餐百幾蚊左右，跟湯同餐包，飲品如果要其他汽水類就要再加錢。整體都算好食，分量足夠，T骨仲要大塊過個鐵板🤣肉質夠淋，唔會硬，不過個汁就有點濃味，未食到一半已經好口渴，食完飲左勁多野😅

金鳳大餐廳位於荔枝角D2 Place二期，地點十分方便，收工過嚟食飯非常適合。餐廳環境帶有懷舊風格，裝潢以70至80年代的舊式扒房為主，讓人一踏入便感受到濃厚的懷舊氣息。餐廳空間寬敞，枱凳都幾多，悠閑好坐。跟餐有是日餐湯，羅宋湯酸甜開胃，忌廉湯濃郁滑順。這裡的招牌菜包括牛柳餐和什扒餐，可以揀黑椒汁或蒜蓉汁，牛柳肉質軟嫩，肉質晤錯，在鐵板上淋上香濃惹味的黑椒汁，香味四溢，用餐巾遮擋油煙，感覺好有氣氛。什扒餐就含有多種肉類，雞扒嫩滑，牛扒都大塊，火腿、香腸、雞翼都非常豐富，搭配黑椒汁，味道出色。跟餐嘢飲西洋菜蜜清甜解渴，凍奶茶香濃順滑。

冇食一排金鳳，今次去D2 place返尋味現場都多人排隊，我地等左15分鐘就可以入去～今次嗌左個套餐$188，再試下佢啲小食野菌忌廉湯都唔錯，幾順滑，多野菌喺裏面大蝦凱撒沙律，啲蝦都幾爽彈肥美，沙律汁酸酸甜甜，都幾開胃今次餐牌轉左做牛柳餐，我地除左叫蒜蓉汁，仲特登+$2加蒜粒落去，因為咁先惹味！侍應幫我地淋汁落去，鐵板即發出嗞嗞聲，仲噴晒煙，好有feel！特別鳴謝男友幫手切牛柳，女友我就可以成個君子咁動口不動手<3蜜糖雞翼 $58煎得幾靚，外脆得黎又有少少甜，又唔會太甜，如果食膩左金鳳啲招牌菜，都可以試下呢味忌廉白汁焗西蘭花，我地兩個有時都注重健康，所以嗌左菜！西蘭花比較爽口，有啲醬汁，食得冇咁dry

夜晚8:30左右諗住搵間餐廳去食吓坐吓傾吓偈 不如試吓鋸扒又可以一齊gathering 見依家金鳳餐廳好多人食又要排隊 諗住冇衰啦試吓啦 點知我叫個西冷牛扒七成熟 我朋友叫全熟一個叫五成熟 點知出得出來的效果全部都一樣 我都我哋都分唔清7成 5成 九成熟有咩分別 難食到我都唔清楚係咪食緊牛扒 侍應態度又鬼咁差 埋尾諗住打晒銀紙，又話收晒鋪派 舉手之勞咁都唔幫 🤦‍♀️ 另外咁嘅價錢我不如去花園餐廳仲好 又平又好食 起碼食得出嗰塊牛扒🫣

在d2 place 2 睇完戲直接落樓下覓食未夠7點難得金鳳唔駛等位即刻秒衝入去鋸扒睇完<<九龍城寨之圍城>>後到復古懷舊風裝修的港式扒房回味一下老香港情懷(笑)每月精選晚餐 $190 主菜連牛油餐包、餐湯、頭盤、甜品及餐飲牛油餐包、蘿宋湯頭盤-胡麻醬蟹棒沙律今個月主菜有帶子西冷牛扒牛扒好大塊，肉味唔算超濃，但勝在肉質鮮嫩下面有幾塊薯格，配蒜蓉汁超惹味兩粒香煎帶子大大粒非常彈牙侍應推介我加$2生蒜，令成個鐵板餐升華不少甜品-雲呢拿雪糕咖哩香燒羊扒意粉 $118 (轉套餐加$25 配牛油餐包、餐湯及餐飲)除咗經典扒餐，亦有多款飯及意粉羊扒兩大件厚身多肉，燒得好惹味，帶輕微羊羶味，配上港式咖喱汁又濃好香，送飯及意粉一流，如入面可加幾舊薯仔就仲好喇！