韓家韓國料理 (已結業)

刚刚初黎观塘报到，四围试睇下有咩平靓正嘅外卖做午饭，今次点选左呢间韩国菜。今次叫左蔬菜煎饼配柚子蜜糖炸鸡，$35仲送一杯饮品。食物嘅卖相唔差，份量都唔细，但唯一要讲嘅系放喺蔬菜煎饼上面兜辣酱个底穿咗，一攞出嚟啲辣酱周围系，呢下真系要扣分😥至于味道方面，蔬菜煎饼好厚粉，虽然都见到好似落咗红萝卜同椰菜等等，但好似主要都系食紧个面糊。至于个炸鸡味道相比之下比较好，炸得都算脆身，个柚子蜜糖汁酸酸甜甜，同西柠鸡个味道有啲似。虽然套餐嘅价钱系好吸引，但性价比就真系唔太高。