一本日本料理 (已結業)

同男友去食晏，叫o左两个超值午?同一碟三文鱼寿司。碟三文鱼寿司o既卖相真系……所以一碟只售五蚊，食完都冇嗌佢个刺身啰，我觉得咁o既三文鱼，佢o既刺身连十五蚊都唔值。o个两个超值午餐真系几平o既，廿五蚊，一碟前菜、一碗面豉汤同一盒饭。碟前菜系最正o既，八爪鱼仔同墨鱼仔㖞，冇乜边间日本料理出手咁阔绰o架喇。但盒饭真系难食到呕，o的饭好烂，好似o的水唔驶钱咁，落咁多都唔佢做乜。碗面豉汤就一般啦。男友话佢o地应该系出名铁板烧o架㖞，可能我o地今次真系叫错o左，我谂我会去试o下佢o地o既铁板烧o既，但唔会再食其他无谓o野啰。对食冇乜要求，但求又平又饱o既，呢间日本料理会系一间唔错o既选择。