薩莉亞意式餐廳 (得寶商場)

营业中

休息中

是日放假喺九龙湾唔知食乜好，就求其嚟咗呢间食，已经好耐冇食过呢间嘢。因为嚟到已经2点几3点所以等位都系半小时内嘅事。一入到去张枱系唔干净的，叫咗几次先有个侍应帮我哋哋抹返干净。然后拣好想落单㩒咗好多次钟都冇人嚟帮手，起码等咗10分钟以上个企门口嘅经理先睇唔过眼嚟帮我哋落单，全程见部分侍应都好得闲喺后半场行行企企。今次嚟见menu更新咗叫咗个周打蚬汤同沙律做头盘，沙律不过不失，汤份量略嫌有点少，味道都ok呢个就系新品，有只半熟蛋喺意粉上面，有啲烟肉，食落都ok唔会觉得好腻。然后就系呢个黑松露意粉，好似都系新出咗一排，黑松露味唔系几够，个汁有少少cream，食晒成碟会觉得有啲腻，不过30几一个咁嘅意粉算系咁。最后叫咗个鸡肉铁板，粟米好甜，应该系罐头𠮶种，鸡肉平平稳稳冇话好嫩亦唔会好“鞋”，整体嚟讲呢碟嘢都一般。