出羽櫻鐵板料理

营业中

休息中

今晚同朋友来呢间出羽樱铁板烧食晚饭。呢间野唔太大间，系家庭式经营嘅餐厅。呢度最平嘅铁板烧套餐$50，包埋一碗面豉汤同饭。我地分别叫左金菇肥牛卷、牛肉薄烧同猪颈肉。每份铁板烧都会连埋芽菜同椰菜炒，猪颈肉仲会配埋洋葱。因为全部都系落单之后即炒，所以拎上碟系热辣辣兼且好香。全部三碟都真系炒得好好食，个烧汁都都调得好好。果两个牛肉稍为炒得耐左d所以食落觉得d肉有少少粗糙，不过都无咩点影响个味道！而猪颈肉炒就得刚刚好，食落几爽口而且好嫩滑！$50左右嘅铁板烧有咁嘅质素真系好抵！