伊甸 (已結業)

听闻呢间抵食就嚟试吓！平日夜晚，大约七成客满，拣咗张超矮台坐，虽然特别但双腿不知该如何处置。叫咗两个Eden双𩠌套餐，正常叫$89有埋嘢饮同甜品系抵嘅。先嚟新肉碎饭加盐酥鸡扒同台湾肠，肉碎偏油同埋重味，建议连饭食。另外辣肉碎加香煎鸡扒同鸡软骨饺子，鸡扒同饺子系中规中矩。另外叫咗个双并蛋饼，鲔鱼粟米蛋饼，馅料都算丰富，蛋饼都几好，个酱汁反而最好味。配埋胡麻沙律，有埋花生粒几特别饮品叫咗波霸奶茶、绿茶同柚子茶，味道就系同街买嘅一样味。食台湾嘢一定要有芋圆，佢份量唔多，又不太甜，有埋仙草同埋红豆，食埋呢个就满足。埋单$300都唔使，又饮又饭又甜品，都真系算抵食