影片
更多
2011-06-07
320 浏览
3月21日, 今晚喺大角咀, 当然嚟到呢头揾食就最精明, 大多数嘅餐厅都笑面无数~ 今次食日本野, 就试一下呢间平价新鲜手握寿司~ 入面座位唔多, 多数人都系嚟买已包装嘅寿司set, 好似百佳咁~ 当然我地等得嘅就可以叫师传新鲜制作, 但系都颇需时, 都等咗15分钟先有得食~::: 三文鱼寿司 ::: $5 x 2不少得嘅三文鱼先食~ 寿司整体都唔算大件, 同百佳size差唔多~ 不过望上去三文鱼都好新鲜咁, 有纹理, 色泽光鲜带橙~ 食一啖口感都算唔错, 少少肥美带点油. 因为出面回转寿司嘅三文鱼寿司大多数都系咁嘅价钱, 但系会大件d, 所以呢个只系合格之作.:: 原只甘海老寿司 ::: $7 x 2一条长长嘅虾训咗喺旧饭到, 看上去都新鲜~ 食落味道同普通甜虾差唔多, 都几弹牙~ 好处系有埋个虾头, 都有少少膏, 几鲜甜啦~:: 珍宝北海道带子寿司 ::: $10 x 2虽然叫珍宝有dd夸张咗, 不过都比一般嘅大~ 只带子都几厚, 咬落好有质感, 味道十分之鲜! 完全唔似系急冻货, 一d雪藏味都冇, 但系依然好冰凉~ 推介之作!:: 松叶蟹脚寿司 ::: $7写明100%蟹肉, 睇
::: 三文鱼寿司 ::: $5 x 2
不少得嘅三文鱼先食~ 寿司整体都唔算大件, 同百佳size差唔多~ 不过望上去三文鱼都好新鲜咁, 有纹理, 色泽光鲜带橙~ 食一啖口感都算唔错, 少少肥美带点油. 因为出面回转寿司嘅三文鱼寿司大多数都系咁嘅价钱, 但系会大件d, 所以呢个只系合格之作.
:: 原只甘海老寿司 ::: $7 x 2
一条长长嘅虾训咗喺旧饭到, 看上去都新鲜~ 食落味道同普通甜虾差唔多, 都几弹牙~ 好处系有埋个虾头, 都有少少膏, 几鲜甜啦~
:: 珍宝北海道带子寿司 ::: $10 x 2
虽然叫珍宝有dd夸张咗, 不过都比一般嘅大~ 只带子都几厚, 咬落好有质感, 味道十分之鲜! 完全唔似系急冻货, 一d雪藏味都冇, 但系依然好冰凉~ 推介之作!
:: 松叶蟹脚寿司 ::: $7
写明100%蟹肉, 睇下有几坚. 原来连埋少少壳, 表明真系蟹脚~ 蟹肉都ok鲜甜, 肉地都几弹牙. 不过就细只咗d, 仲有索咗d解冻嘅水, 有雪味…
::海胆花之恋寿司 ::: $15
size比平时见到嘅花之恋细少少, 但海胆份量相对地比平时多! 三文鱼依旧油润鲜味, 海胆都出奇地鲜~ 无腥味~ 几好! 呢个价钱反而比三文鱼寿司抵食!
:: 剑鱼腩寿司 ::: $10
剑鱼腩失望, 望落冇色泽, 好干… 肉质唔肥美, 有d筋, 可能冇乜人食, 应该都雪咗几耐, 失败…
:: 海胆鱿鱼寿司 ::: $4
正常味道, 海胆份量都几多. 但系紫菜好淋, 唔鲜…
:: 北寄贝沙律寿司 ::: $4
北寄贝沙律嘅份量足料~ 粒粒北寄贝都几弹牙, 同埋呢个沙律都重wasabi味~ 败笔系d紫菜都系唔太新鲜… 普普通通啦.
:: 蜜糖樱花虾寿司 ::: $4 x 2
本以为樱花虾会好特别, 原来系虾干虾米嘅朋友… 卖相系特别, 不过唔系想像之中… 甜味总是觉得唔衬寿司, 虾干亦都颇硬. 唔啱我食…
:: 吞拿鱼沙律船寿司 ::: $7
其实系吞拿鱼沙律腐皮寿司~ 腐皮基本上都好难唔好食~ 问题系d吞拿鱼沙律,沙律酱好多, 吞拿鱼好碎, 搞到非常之一patpat… 味道上系唔错, 但口感上就有d核突…
:: 炸猪扒手卷 ::: $20
$20一件其实可以选择叫多几件寿司, 因为佢嘅size都几细, 炸猪扒去到2/3个手卷就冇咗… 猪扒即炸热辣香脆, 加埋沙律酱就更惹味~ 点缀嘅蟹子有鲜甜品, 令手卷生色不少~
嚟食寿司最好唔拣军舰, 因为d紫菜确实唔新鲜太淋… 反而手卷紫菜会好d, 但系唔系咁抵. 望下店舖里面, 原来主打嘅唔止寿司, 仲有即叫即开嘅生蚝! 不过今晚我地嘅胃口预咗俾寿司, 下次嚟可以食埋生蚝!
张贴
