寿司部

营业中

休息中

大角咀都有唔少平民壽司店。食過玥屋（抵食）、活一鮮（新鮮）、壽司郎（最貴）、爭鮮。諗住試埋呢間。不過壽司飯太酸 。toro 好多好多根。食左兩塊，要咀嚼好耐，另外要掉（有圖）。三文魚超市level 算正常。蛋味道正常。但員工/老闆禮貌好好。小店 唔想寫太差 可能其他嘢好食 。但我唔會再幫襯 。

老闆好好人每次都好好服務黎到會覺得被記住同埋有鄰里嘅感覺個人覺得魷魚最好食 （同埋低卡路里啲）三文魚小卷都好好味我有個茹素嘅朋友都鍾意黎食不過佢就食開牛油果類啲 Cash only 所以記得㩒錢

壽司部（Tai Kok Tsui）哩幾個月小編工作忙到不得了🥹🥹 好耐無見嘅朋友誠意拳拳邀請我去試吓佢屋企附近嘅人氣平民壽司舖🍣 哩排終於夾到時間 試完果然值得推薦 外賣堂食都得㗎☺️☺️⌖原隻甘海老壽司🦐💰$10色澤粉嫩通透 都幾鮮甜😙⌖赤貝💰$9橙紅色帶光澤 夠新鮮爽口🤨⌖鮮帶子（生）💰$7建議揀珍寶帶子食落口感會更好😉⌖油甘魚🐟💰$13厚切食落淡淡甘甜 大滿足🤩🤩⌖燒鰻魚🐟💰$12蒲燒鰻魚汁鋪面 食落還好～⌖鹽燒左口魚邊🧂🐟💰$11左口魚裙邊經過炙燒將啲油脂逼曬出黎 入口即溶 超肥美😌⌖鹽燒珍寶帶子🧂💰$14帶子肉厚味甜 唔洗鹽燒可能仲正🤔🤔⌖日本大蔥吞拿魚蓉軍艦🐟💰$9吞拿魚蓉超多 不過紫菜就淋左啲🤏⌖三文魚腩底6片 🐟💰$78厚切又肥美 必嗌☺️☺️⌖日本紋甲魷魚4片🦑💰$45刺身爽口彈牙 又幾鮮😋⌖海膽魷魚小食🦑💰$35/份海膽軟綿質感 配魷魚一流 份量好足🤤⌖牛油果三文魚手卷🥑🐟💰$27小編好喜歡嘅搭配 手卷紫菜都脆😛😛⌖ 原格加拿大海膽手卷💰$60原本想試日本海膽 無貨所以轉食哩款 不過都好不錯😎 味道濃郁細緻夠creamy 海膽俾得唔少添 食到入面仲滿瀉😍😍⌖蒲燒鰻魚飯🔥🐟🍚

🍣壽司部好耐無黎食～難得想食壽司又係九龍一於遠小小都過黎食～味道水準keep到👍每次黎都會叫既*珍寶三文魚*大大塊擺入口非常滿足～當然其他款式都唔錯啦～油甘魚·希靈魚·吞拿魚蓉軍艦等等都好好味👏😋盛惠💰$3xx好味指數(7級最佳)▁ ▂ ▃ ▄ ▅ ▆ ▇—————————————————☻非專業食評·純個人口味☻—————————————————📍總結:價錢方面好似貴左？不過相等價錢其實係出面未必食到咁既水準～小編絕對推介俾大家✌️

埃華街的一間壽司小店 。從前叫過外賣，食材新鮮，定價合理，性價比高，滿有好感的。堂食位置不多，有幾張枱，以外賣為主。即叫即握。比例剛好的醋飯🍙，不易散。遇上新鮮魚貝。珍寶類口感特別豐厚。🍣😋😋唯三文魚缺了點魚香；廣島蠔有甘甜，爽口，海水味偏淡。現磨山葵，更具儀式。取適量，搭壽司食用。山葵帶點獨有的清香，溫熱嗆鼻。上錯了炸蠔，店家便免費招待。幸運地嘗到鮮甜又飽滿的蠔肉🦪，外酥內嫩，很美味。事隔兩年再訪，仍保持水準。沒有華麗的裝潢，沒有昭和氛圍。只有誠意之即握壽司，和滿戴人情的小店🎑💝。

呢間壽司店人氣高，性價比亦非常之高！小編久不久特登揸車入黎大角咀食寿司部架！講真有時等位同上菜時間都唔短，亦無美麗既裝修，但無損成為我最喜愛餐廳之一，我都真係幾愛呢間店😂❤️每次都見到唔少人人等外賣，相信如果小編係街坊都必定成日食🤤諗起都高興！超推介火炙三文魚，大大件，細細舊飯，入口超滿足！另外吉列蝦反卷配蛋黃醬都超正無得頂呀！人均$170@分數：（10分滿分💛）味道：8價錢：7.5環境服務：7.5（以上評分只是小編個人口味而已）

食咗壽司部無10年都有8年，以往每次去朋友屋企開party一定會嗌，可惜而家朋友搬走咗好耐無得再食🥹估唔到2023年第一日就可以同壽司部重遇🥳叫左三文魚腩、珍寶帆立貝、生蠔、花之戀、炙燒吞拿魚、鹽燒左口魚邊甜蝦同吞拿魚腩🍣🍣🍣全部都無令我哋失望，第一次叫嘅生蠔壽司都好令我哋驚喜，保持住平靚正嘅水準😋可惜本來想試嘅海膽花之戀無曬貨唯有叫多左兩件普通花之戀，兩個人叫左大約16件壽司total 埋單只係$250😃 真係好抵食好滿足嘅一餐

大角咀都有唔少日本嘢有平有貴咁呢兩日又開始番晚市禁堂食所以夜晚都係要落街買外賣諗住快快手唔想等咁耐所以就去咗壽司部因為佢平時都會擺定一盤盤嘅壽司喺入邊雪櫃可以買但可能而家因為多咗人買外賣入到去個雪櫃一盤壽司都冇咁就唯有落單啦仲有啲ABCD set 咁既又或者拎紙慢慢點都得唔想諗嘅話就可以買set 都係一個唔錯嘅選擇咁我就買左個B餐落完單留電話話搞掂就會打俾我大概15分鐘左右就收到電話講番個B餐先好似$198有27件有三文魚、北寄具、帶子、赤貝、鰻魚、魷魚其實全部野味道都唔錯唔會有啲Hea野比你冇伏野啲三文魚仲俾想像中唔錯原本仲有諗過會唔會因為唔係叫三文魚腩會唔好食點知都幾好食😋最尾我哋一件壽司都冇剩 食晒！另外雖然話係買外賣唔會有太多嘅服務但收錢嗰時、打電話、拎壽司嗰時都覺得佢哋好有禮貌佢問你夠唔夠豉油要幾多餐具咁

大大話話，由我中二開始，已經經常幫襯，應該都有13年了🤣，壽司大件，新鮮，價錢平。我經常帶唔同朋友過嚟食壽司，每次朋友都會讚不絕口，話好食又抵食，然後仲會開始自己過嚟食。老闆超好人，幫我開咗張超級vip卡，每次嚟到都有九折。每次有任何聚會都係我負責訂食物，而我每次都會揀呢間壽司，一定唔會錯，個個都話好好食。最推薦嘅係炸蝦反卷，炸軟殼蟹反捲，芝士燒蟹棒，芝士燒熟蝦，鹽燒珍寶帶子同埋鹽燒三文魚腩壽司。炸蝦飯卷即叫即炸，熱辣辣非常好食。仲有個炸豬扒反卷同壽司pizza喺呢度獨有，真係超好食。

等勁耐都未有得食 好味冇用 根本淨係專注做外賣嘅單 建議要黎食嘅人外賣好過 唔係嘅話等到收舖都可能未有得食😁🤷🏿‍♂️堂食嘅話 除非你好有耐性 願意等個半鐘 否則千祈唔好嚟

三文魚/珍寶三文魚：冇乜魚味，普通三文魚好細件，係珍寶三文魚有少少睇頭，所謂嘅炙燒只係求其燒兩燒，一啲香味都冇芥末魷魚：芥辣味夠勁，魷魚好難咬鵝肝：油香欠奉，似肝醬多過鵝肝明太子沙律：完全食唔出有明太子味北寄貝沙律：附圖最底嗰件，第一次食咁嘅北寄貝，一粒粒正方形，食落似擦膠，劣品！牛油果三文魚：算係比較好嘅一件，牛油果都幾大件，配埋少少沙律醬都幾夾普通帶子：偏細塊，冇乜甜味今次大部份都係叫中下價嘢，埋單都要$100 ，相若食物在爭X大概只需要$70至$80 ，兩者質素差唔多，個別爭x仲會好少少，所以不會選擇呢度

自從發現這間壽司小店 真係返唔到轉頭 已經回頭左三四次每次光顧都很想自己住在大角咀💙壽司平靚正 用料很新鮮 刺身也不會吝嗇 件件都很厚身 壽司飯也是剛好一口的大小 連女生也可以輕易吃10件💛真心推薦：鵝肝壽司、鹽燒左口魚邊、海膽花之戀、芝士燒珍寶帶子、鹽燒珍寶三文魚、鰻魚壽司、劍魚腩壽司灸燒壽司件件都油香味重 刺身肥美私心希望佢哋會做埋蟹膏蟹肉壽司💚另外值得一提係佢哋既Wasabi 係我最鍾意嘅全手工磨 見到一粒粒既wasabi 唔會太辣 唔係連鎖店一包包嘅Wasabi 大愛💕💜店員都好窩心 雖然有時整錯左俾我地 但同佢講返就一定會整返俾我哋 仲唔會收返我地錢😛同埋有次我哋拎凍櫃既青口 佢哋仲特登幫我哋擺返盆 非常細心

係大角咀做野做左4年幾 每次開party都會幫襯好興幸有一間又平又靚又正既壽司鋪😍佢近排裝修左 靚左間鋪🥰其實簡單裝修 唔需要花巧已經足夠職員個個都好好👏🏻👏🏻每次都要叫盤刺身食 抵到爆😍98蚊有3款 食到一半先記得影🤪同埋黎親一定要食軍艦 每次上枱都好脆海膽魷魚同蔥吞拿魚每次都一定叫🥰佢個蟹籽沙律船都好好食😍😍今次order油甘魚仲好大片🤪🤪牛油果三文魚 每次必叫 勁大舊牛油果😍😍😍仲要係熟一啲都唔硬 勁好食👏🏻👏🏻北海道帶子都好大粒😍😍黎到一定要叫燒珍寶三文魚壽司因為佢係超抵食 勁厚勁大舊！！！！！佢個吉列蠔都係即炸 熱辣辣 加埋沙律醬真係冇得輸🥰🥰芝士年糕都好好食 熱辣辣😍又係每次都會叫🤪其實呢個價錢做到呢個質素已經好好 ☺️支持小店！！！！！

叫左壽司拼盤，200幾蚊。滿心期待諗住食。個職員話要等20分鐘，好我等！之後等咗20分鐘之後都冇消息 諗住佢哋真係好忙，俾多少少時間佢哋準備，最後40分鐘之後我先至入去追問。佢搞左一輪話原來無做我個餐，叫我再等…以後唔會再食呢間…..............................

祝各位元宵佳節甜甜蜜蜜♥️倆口子慶祝吓，揾間偽「居酒屋🏮」chill 吓，（去親啲居酒屋就千千聲落樓，所以要揾間食日本嘢親民價少少嘅）全晚講得最多嘅一句：「我地真係好幸福😉」常懷感恩之心，幸福常在。隱世小店CP 值極高😄（抄之前啲食評嘅😂）其實呢間係做外賣壽司，但佢鋪面有幾張枱仔，坐响佢度食，有人招呼，唔收加一👍🏽👍🏽價錢合理店員都係後生仔（戴住口罩都覺得佢地靚仔）生蠔肥美刺生新鮮拖羅肥美軟殼蟹手卷超美味（即炸即上）鯖魚燒得啱啱好，唔會太乾🏮新香卷係我最愛♥️後上一個炸芝士年糕（年度佳作，好耐未食過炸得咁好嘅年糕，外脆內拉絲！）普通清酒🍶仍覺美味