慢煮屋 (已搬遷) 新店位置

虽然少左堂食时间，但都想支持一下良心店舖。今次拣左哩间系观塘工厦主打慢煮🥩既餐厅，一于黎试下佢。名古屋风味拌面配豚肉 $78见佢新登场就想尝鲜，由于无哂福袋，所以变哂全部豚肉。豚肉🐷轻轻火灸过都几香口，食落都好入味好香。至于拌面🍜就比较失望，佢个酱汁好淡，成个面都无咩味，加埋配料入面既干蒜，唔单止无令佢香气提升，食落仲有啲苦苦地，食食下都食唔落😅。慢煮火灸牛腹扒丼 $88朋友点左哩到既招牌菜，不过佢就觉得麻麻地。牛肉🐮淋得黎但唔够香，无咩牛味，好似无左食牛既油滋感。时令特饮龙眼蜜 跟餐 $15入口淡淡龙眼味，唔算好甜，滋润喉咙🙃。蜜糖布甸烧 $18太心急食甜品唔记得影。蛋糕干身左啲，布甸🍮有啲似蒸蛋，唔算好滑，我觉得整体合乎性价比。