唐記包點 (已結業)

除左基本嘅凤爪排骨饭同糯米饭之外，唐记仲有卖啲单𩠌饭，见到有猪软骨饭同咖喱鸡饭𠮶啲，今次就叫左个$28嘅凉瓜排骨饭试下啦。凉瓜排骨饭拎到饭屋企都仲系热嘅，一睇系觉得好油同好多凉瓜。每片凉瓜都厚薄适中，唔会话切得太厚好难咬。食落都唔会好苦，系好爽口同有少少青味，如果可以再煮软啲就好啦（个人口味）。排骨都唔少，有6-7旧小排骨左右。啲肉唔会太硬，都几入味几好食，而且唔会太大旧骨，易入口。白饭都几多，原本以为啲白饭会同茶餐厅差唔多，即系偏干硬𠮶啲，点知食落又唔会太干，都几软，而且粒粒分明，唔错。整体黎讲$28一个单𩠌饭都ok，懒得煮饭嘅时候真系懒人恩物。不过都几油下，预左绝对唔系健康𠮶啲饭𩠌，见到佢最近出左素食嘅饭，下次有机会再试下。