LM Cafe (已結業)

间餐厅距离apm唔系好远，行十分钟左右。八点半到去到，都几多人下，适逢星期四，有live band 都几好听，系餐厅嘈左少少，两个人叫左两个餐同两个甜品。黑松露磨菇意粉餐，有汤，沙律，饮品同主菜呢个意粉既送唔多，有黑松露，磨菇同洋葱，相中一摊黑色果度就系黑松露，好香，加上个汁捞埋食好正！signature Choco 好浓，好香朱古力味，感觉似用左双倍既朱古力冲一杯。鸡扒奄列饭（芝士汁）个饭超多，如果你食唔到甘多记得嗌少饭。蛋好大块，湿湿地，好滑。个芝士汁淡左啲，唔太浓芝士味。鸡扒煎左，外皮脆脆地。鲜奶绿茶正！好好饮，好浓，甜甜地，有绿茶既香味，一杯唔系好够喉。个人觉得热饮应该会好饮过冻饮。提拉米苏餐加10蚊就得，细细杯，一个人份量，几啖到，不过个cream 好浓滑，唔算太甜，有冧酒既味道。窝夫可以拣饼、雪糕、酱同生果既味道一份只系48蚊！饼我拣左芝士味，食果阵会有啲咸咸地既芝士味。个饼唔系脆，系软果种，好有蛋味。一碟有四块格饼，一定要试，推推推！总括黎讲，呢度食物价格大众化，可算话平，食甘多都唔洗200，选拣亦多，亦好食，经过就去试下啦！