海膽仔

营业中

休息中

今日朋友生日，话order要食日本菜😂咁咪顺佢意去左新蒲岗附近嘅一间日式餐厅，点知有意外收获😳新鲜得黎仲好实惠👍咁野食方面，我地今次点左好多野😉样样都相当CP值高，同大家逐一分享下啦😆咁我地点左个店员推介嘅海鲜丼，入面已经有齐想食嘅三文鱼，虾，鲍鱼同带子等等野食啦😎食材好新鲜，师傅整叫整即，最紧要系大份得黎，价钱唔贵，一次过食到几样野食，值回票价😂除左个主食，我地点左几样小食，最惊喜嘅系愣个牛油果软壳蟹卷，牛油果小小腍，味道唔算太重，而个软壳蟹又炸到脆口🤤两样野食夹埋恰到好处，食到唔同口感，认真推荐😀😀除此之外，我地仲贪心叫左个海胆带子黎食🙊海胆唔洗讲都系超新鲜，无腥味，而个带子超大粒，要分两三啖先食完，超甜，好正☺而且餐厅嘅串烧同炸物都唔错，我地点左个串烧鱿鱼都烧到刚刚好，唔会太硬，有小小咬口，啱晒我啲怕好耐嘅野食😂😂而个炸鸡软骨都可再战，点著佢个酱汁，再一口一粒，好快就被我地清晒😆总括而言，哩间餐厅相当唔错，野食水准好得黎，埋单个阵都唔太肉赤😂认真可以再黎食过，钟情日本菜嘅朋友可以挑战下其他野都得，拉面同刺身都好多人点👍👍可惜眼阔肚窄(自己话)😆😆