竹月亭 (已結業)

好多朋友都推介佢嘅原板海胆午市定食🍱，今日就特意黎到试吓佢系咪真系咁抵食，但好不幸前一日佢嘅原板海胆已经卖晒😢，要晚市先返货，咁一场黎到唯有试吓其他先。刺身定食 $88午市套餐都包括左面豉汤、前菜、沙律🥗同蒸蛋，当日由于蒸蛋卖晒就转咗做芝士玉子烧🧀🥚。玉子烧甜甜加埋芝士火灸几好食。刺身包括海胆、牡丹虾🦐、三文鱼、剑鱼🐟同带子，刺身都算新鲜，但唔系特别肥美同鲜甜，海胆都比较淡味，整体一般。值得一提嘅系佢碗饭🍚超大，食量比较大嘅朋友一定会够饱，否则可以叫咗少饭先🍣。三色鱼生（海胆、鱼籽、带子）$78由于鱼籽卖哂，所以转左牡丹虾🦐。海胆比刺身定食嘅更加淡味，仲有啲啲苦涩。至于其他刺身都一般，而佢嘅饭量🍚都同样好多，不过米饭就偏烂，都结成一旧旧，我就唔系咁钟意。吉列广岛蚝 $28一共有三只🦪，睇落去好饱满，但咬开就会发现炸粉浆好厚而蚝仔好细。粉浆好浆口好似仲有啲未熟咁😓，唔建议叫。三文鱼刺身 $38 冻咖啡 跟餐+$6三文鱼系厚切，一共有三片，不过不失。冻咖啡☕️睇个样都知比较淡，糖水味🍬太重，可以唔使叫。如果以呢个价钱黎讲，我觉得尚算可以👌🏻。但如果唔系住系或行过附近，我谂唔会特意黎再帮衬。