竹月亭 (已結業)

繼續介紹聯和墟。 呢間竹月亭係我近年鐘意食既日式午餐首選。成日要去聯和墟做野, 就算話聯和墟多野食, 但成日去呢區都會諗仲有咩想食。而呢間日式餐廳, 價錢中間啦…唔算好平, 但又唔算貴.午市唔加一, 通常7-80蚊落到樓。午市套餐SET算唔少選擇。我個日就偏愛吞拿魚蓉丼，魚蓉量唔少, 飯量對我(一般女性)而言是講係剛好。唔腥又夠細, 增添豉油同WASABI是絕配。現在有些日式餐館不知何故都收起無左呢個餐點。所以竹月亭是我繼續幫襯佢既主因。同行友人就幫襯叫左佢既日式牛柳粒，我都拎左黎試, 又煎得真係幾香同滿滿牛肉味。送飯真係一流。而且佢牛肉量係算多。友人都食得好滿足。其實一個套餐有湯, 有小食有沙律真係算足夠。佢仲有個蒸蛋既, 但永遠唔明點解係甜既。可能當左佢係甜品? ANYWAY, 如果真係要挑剔, 我會講係呢個甜蒸蛋。另外, 我建議大家如果肚係仲有位既叫一客三文魚刺身食下, 佢個質素同個份量，我覺得CP高及真心推薦既。

佢只係一間好普通嘅日式餐廳，裝修 ok，不過賣嘅嘢就好普通，係普通到 menu 入面每一樣嘢其實間間日本嘢都有，連刺身飯類小食都係，唔怪得得嗰幾枱客。佢只係賣黃，不過依家 2023 年邊有人仲理呢啲嘢？我諗如果佢唔係黃店就真係睬佢都有尾。我喺度同屋企人食飯哎咗刺身拼盤 ($238) 同原條鰻魚飯 ($118)，鰻魚飯不過不失嘅，有埋隻煎蛋。不過刺身拼盤就令人失望，唔新鮮、食到雪味都算，而且份量都唔係好多，呢個價錢直程食到放題。我下次點都唔會再嚟。

各位食神朋友仔！今次我嚟到嘅呢間小店，簡直係尋寶般嘅發現！😍 大家入到去，感覺就好溫馨，似係去咗朋友屋企咁。我隨手叫咗份燒鳗魚飯，親！石屎！我同你講，果塊鳗魚又厚又滑，啖啖肉感，攪拌下白飯，嗰個油香拌晒飯粒，滋味正到講唔出嚟。跟住我試咗個叉燒拉麵，嘩～叉燒嗰啲嘢真係有嚼勁，又唔會乾，湯底仲一級棒，濃郁得嚟又唔膩口，真係飲到盡。🍜 你估拉麵兄嘅拉麵好食？等我講呢個先～仲有，呢家店嘅刺身， 新鮮！波記！簡直係海中嘅極品，每一口都係鮮嫩多汁，有種海洋嘅味道喺口腔中盤旋。食物質素、價錢公道，真係令人心曠神怡。我覺得，呢啲平民天堂，就係我哋搜索樂趣嘅所在。最後，你知我最掛住咩？就係當花生醬撞正花生醬，倆個似曾相識嘅味道揼埋一齊，食落去時候嘅滿足感。天啊，我差啲想係度築個巢～🙌🏼 無得輸，下次食飯記得揪我一響啊！

次次上堂經過呢間都想食，因為佢裝修得幾靚，今次終於食到。壽司定食配手打烏冬(叉燒) $82烏冬同湯底好食，但其他有少失望，壽司食落唔太新鮮，除左件油甘魚(呢個係好食嘅)，但其他壽司味道一般(我用壽x郎比較) 。最失望係碗烏冬得一塊叉燒。刺身定食 $108唔知係咪有冰墊底&厚切，呢D刺身好食好多，同上都係油甘魚最好食。兩個定食都有前菜(中華沙律)，沙律，蒸蛋。(個蛋係甜嘅，可能我大鄉里，食定食都係食過茶碗蒸only，未試過定食係蒸甜蛋，味道正常，但可以再蒸滑D)Um…以呢個價錢，CP值唔太高呢(因為食過其他呢個價位嘅餐廳，真係比較之下唔太值)Overall好唔好食? 一般般呢(可能之前經過幾次食唔到對佢有太高expectation)會唔會再幫襯?好想食壽司經過都會幫襯嘅 (同區好似都冇其他壽司鋪)

今日尊誠走去聯和墟食日本菜，我吾記得影相，因為太好味，仲比我預期嘅好味，叫咗一個豚腩串，和風牛肉烏冬，香䓤鹅肝帶子卷及壽喜燒，一食帶子卷我就決定下次我會再黎，哈哈其他我覺得帶子卷太多味同細嚿，好味的東西都係細嚿🫢，仲有仲有牛肉烏冬啲牛有煎過，佢本身隻牛已經吾係普通肥牛，煎過仲👍🏻👍🏻👍🏻，豚腩串好香，壽喜燒多牛肉到極，今晚好滿意

三色丼都只係 $82有海膽 魚籽 帶子 材料未算最頂級 但呢個價錢黎講都算唔錯👍🏻 魚籽都幾大粒 粒粒脹卜卜 係三色中最好飯底亦唔錯 似係用日本米 而且份量唔會太多 個set 仲包左沙律同麵豉湯 （唔會太鹹/飲緊味精ge感覺）幾豐富店內未有得用八達通俾錢可以係open rice事先落單 但個餐牌同門市有少少唔同 門市果個有多d選擇

好耐無去行下啦,今日終於有時間去行下但又好似無咩特別想買🤔最後都係食野啱啲先叫左一個魚生飯,有三文魚籽 , 帶子, 牡丹蝦, 三文魚, 吞拿魚,魷魚每一啖飯都會食到唔同魚生 口感豐富當中帶子 穴子 吞拿魚特別出色之後呢個9格格好靚亦都好好食.壽司很精緻.尤其是見金箔拼埋幾靚,對得住個價錢

兩個人食，點左一份三文魚刺食，一份唐揚炸雞，同一個壽喜燒，外加鍋物野菜。三文魚刺身厚切，食落肥美新鮮，又唔會好膩。壽喜燒就咁一個鍋物，唔似平時食開燒完再加湯。不過個汁都唔錯，配返日本生雞蛋，都食到平時食壽喜燒既感覺。唐揚炸雞就爭D，比起平時Donki 食開果種，肉唔夠飽滿，同埋脂肪多， 比較麻麻。

朋友介紹話呢間食日本嘢價錢唔貴又好食香蔥拖羅魚蓉丼$68朋友走蔥，佢話魚蓉足料，每啖飯都可以有一啖魚蓉粒粒角切魚生飯$68正正常常，d料既份量比例都合理三文魚親子丼刺身定食$68佢一份包埋生菜沙律、中華沙律、麵豉湯、魚生飯同埋蛋，個人認為都對得住個價錢有多。不過生菜沙律就冇汁，個人鍾意淡口味都覺得OK，但朋友就覺得唔夠味。另外個蛋原來係甜品，暖暖地，覺得似食緊無焦糖嘅焦糖燉蛋，不過都唔錯唔係太甜。午市黎講$68都幾豐富，雖然啲魚生唔係話10分實出色，不過好過放題質素，以呢個價錢來講都覺得合理，而且冇收加一👍🏻

行完山番到粉嶺就搵下附近有咩食，去左呢間日式餐廳。當日係週末但無乜人，唔需要等位，其實可以理解，因為佢嘅食物令我有點震驚🧐-軟殼蟹手卷$38 炸得超脆，但好似淨係食到炸衣，唔太食到軟殼蟹真身🤣飯粒黏感程度我覺得是剛剛好👍🏼-金龍蝦卷$48同樣炸得好脆但唔係好食到蝦肉🤨-明太子雞翼$28一份有兩隻，一咬開都好驚喜😯唔係明太子沙律果種，係原條明太子果種好原始、鹹鹹地嘅濃烈味道，成隻雞翼塞滿滿🥰-大蝦忌廉烏冬$78 不過不失，就是撈了忌廉的烏冬，本來以為係果種浸住忌廉嘅烏冬🙈下面放左紅蘿蔔同津白好似怪怪地🤣但食落都ok☺️蝦有一隻，但好dry，好似一舊大蝦乾🤨-清酒煮蜆$78 無諗過個湯係牛油味🧈飲落好似韓國牛油蒜蓉麵包脆脆🤪蜆吸收哂香濃嘅牛油味，食落清甜無沙，蜆肉隻隻飽滿，但就完全食唔到清酒味🤣數數有20隻蜆😳份量都唔少👍🏼但叫牛油煮蜆適合d-感覺呢個餐廳係顛覆左我對一種既有食物嘅印象。雖然全部食物都唔係我預期嘅味道，但又唔難食喎，只係餐廳創出左自己一條路🤣佢嘅午市套餐幾抵食，晚市價錢都相宜，住附近或經過都可以考慮下佢💛

-{黃店💛粉嶺日式料理🍱}想食依間好耐 但成日都唔係粉嶺 終於黎到依去食日本野喇😜🤤蒲燒原條鰻魚丼🤤 ($88)有原條饅魚 入面食倒魚油香😚覺得可以再燒香啲嘅！另外有隻煎太陽蛋但係爆左😂個飯真係好大☺️同埋饅魚份量多撈埋啖啖魚都得🥳👖褲評:7.6/10🤤黃金玉子燒🤤 ($38)熱食嘅時侯仲有拉絲🧀但凍左就冇啦 玉子燒幾甜好香蛋味😍質地動L啲😆配炙過嘅沙律醬好惹味😙👖褲評:8.3/10🤤金龍蝦卷🤤 ($48)黎到好細份🍤一隻蝦分4件咁 天婦羅好脆 飯嘅温度暖暖地咁 但真係太細件唔係好夠😭👖褲評:6.8/10總括而言地方算寬敞 晚市去唔多人 有播歌添💛個價錢係未包加1嘅🙌去粉嶺可以去支持下😆性價比: 7.6/10服務: 8.3/10環境: 8.5/10🚩竹月亭🚩地址: 粉嶺聯和墟和泰街55號泰昌樓地舖

聯和墟既日式小店， 環境企理，座位不多， 但每個位唔算迫。 其實都黎過好幾次，之前試過佢d刺身類既午餐， 個人對味道質素有d要求，所以感覺一般般， 但如果你係只貪大件既話， 係平既。今次食佢既煎蛋鰻魚飯， 鰻魚個感覺比較濕同好似有少少過火太熟，同刺身飯一樣， 我唔會話係好食而係表揚佢平，大大條鰻魚， 上碟個下係好刺激到視覺。 覺得佢成間餐廳既賣點係平同大大件， 隨餐有沙律，湯，小食，甜蛋，同個老人家去食，佢地非常歡喜， 老人家最緊要抵同大件， 所以味道是個人同主觀既。希望我既價評幫到你減少中伏。利申: 自費項目

好多朋友都推介佢嘅原板海膽午市定食🍱，今日就特意黎到試吓佢係咪真係咁抵食，但好不幸前一日佢嘅原板海膽已經賣晒😢，要晚市先返貨，咁一場黎到唯有試吓其他先。刺身定食 $88午市套餐都包括左麵豉湯、前菜、沙律🥗同蒸蛋，當日由於蒸蛋賣晒就轉咗做芝士玉子燒🧀🥚。玉子燒甜甜加埋芝士火灸幾好食。刺身包括海膽、牡丹蝦🦐、三文魚、劍魚🐟同帶子，刺身都算新鮮，但唔係特別肥美同鮮甜，海膽都比較淡味，整體一般。值得一提嘅係佢碗飯🍚超大，食量比較大嘅朋友一定會夠飽，否則可以叫咗少飯先🍣。三色魚生（海膽、魚籽、帶子）$78由於魚籽賣哂，所以轉左牡丹蝦🦐。海膽比刺身定食嘅更加淡味，仲有啲啲苦澀。至於其他刺身都一般，而佢嘅飯量🍚都同樣好多，不過米飯就偏爛，都結成一舊舊，我就唔係咁鍾意。吉列廣島蠔 $28一共有三隻🦪，睇落去好飽滿，但咬開就會發現炸粉漿好厚而蠔仔好細。粉漿好漿口好似仲有啲未熟咁😓，唔建議叫。三文魚刺身 $38 凍咖啡 跟餐+$6三文魚係厚切，一共有三片，不過不失。凍咖啡☕️睇個樣都知比較淡，糖水味🍬太重，可以唔使叫。如果以呢個價錢黎講，我覺得尚算可以👌🏻。但如果唔係住係或行過附近，我諗唔會特意黎再幫襯。

本人甚少去粉嶺尤其係聯和墟果邊咁僻就更加少去因為翻工所以要去果頭揾食兩日見果頭餐廳唔係話好多揾食咩都揾左陣 😅//咁竹月亭其實外觀非常吸引嘅又食日本菜 又要係黃店 💛同週邊啲環境相比真係好新淨不過環境加埋隔板就顯得有啲窄//餐牌價錢相宜燒牛柳粒定食收$68牛柳粒煎得好香 不過粒粒都有啲韌蒸蛋味道唔似茶碗蒸 反而甜得似法式燉蛋另外亦都叫左份芝士玉子燒 $24/2件相對比較貴 但都好食又夠熱//Overall黎講覺得都唔錯嘅 😋

完完全全俾呢間精緻既日式裝潢呃左🥲餐廳入面座位唔多而且坐得好迫好唔舒服!.📌金龍蝦卷🍤📌鵝肝帶子卷物📌芝士鰻魚卷📌帶子壽司📌蟹籽壽司📌油甘魚壽司📌劍魚腩壽司.魚生唔新鮮無鮮味，壽司飯口感黏濕又無味！唯一好食既係鵝肝帶子卷物，鵝肝香脆，配合帶子，口感唔錯！其他壽司真係好一般，但價錢一啲都唔一般！當初對呢間餐廳滿有期望，可惜價錢又貴，食物質素又令人失望。絕對唔會回頭！.食物：6/10環境：6.5/10抵食度：4/10回頭度：2/10.