西貢餐室

营业中

休息中

通常在假期的早上，都会来这间「西贡餐室」食早餐的。贪佢无外面茶餐厅咁嘈和咁多人。这间餐厅的装修很简单，不过就很干净。而且无任何油烟味，食完野都唔怕个身有阵味。餐厅的面积细细地，位置唔算多。室内有卡位、有普通台；室外门位置都有两张细台，方便吸烟的又或者携带宠物的食客。早餐的选择不算多，都系粉面类和三文治之类。我每次来都系食粉面的，今次就叫左猪颈肉墨丸米粉和热奶茶。先讲份量，无错佢系比其他餐厅少，𩠌只有四片猪颈肉同埋一开二的墨鱼丸。不过睇返价钱其实只是$26，仲包埋多士和热饮，咁就变得抵食。至于味道，汤底有少少泰式粉面果种味道、猪颈肉煎得几香、墨丸和米粉正正常常，整体加埋合晒格。奶茶味道都过得去，唔觉苦涩，合格。咁样佢都算得上系一个平、靓、的早餐，值得再帮衬多次。