西貢餐室

营业中

休息中

入西貢游水，之前成日都經過呢度就係冇為意呢一間茶餐廳。聽聞佢啲嘢食唔錯，所以就專登游水之前過嚟食少少嘢先。始終第一次嚟試唔知佢水準如何，佢啲泰國炒粉麵都價錢偏高。但係又想食佢啲炒嘢，所以嗌咗個咖喱炒飯試吓先。等咗一陣個咖喱炒飯就到，新鮮熱辣仲出緊煙都幾期待。但係食落去第一口嘅時候冇咖喱味，再食多一啖都係冇落鹽咁樣，不過個炒飯就差得幾乾身。味道同我想像中嘅咖喱炒飯都有幾大嘅出入。杯齋啡就正正常常。我就覺得可以下次試埋佢個泰式炒粉麵先至知係咪自己對佢期望過高。

假日入西貢海傍多數好多人，今日介紹呢間餐廳係西貢大街，唔洗同碼頭啲人逼。仲要呢間本地良心餐廳冇乜點加價。📍西貢餐室叉燒滑蛋飯加咸檸梳打💰55最鐘意食西貢餐室豉油，甜甜地撈埋啲飯好好味，滑蛋恰到好處，唔會鞋，叉燒都多。加埋咸檸梳打先💰55，平時出面啲餐廳單飲咸檸梳打都十幾蚊，夏天係海傍行都出晒汗就會諗起西貢餐室既咸檸梳打。缺點係呢間餐室冇夜市。10分滿分）價錢：8/10味道：7.5/10環境：7/10 #hkfoodie #hkigers #hkig #hkblogger#chansfoodie#hkrestaurants#hongkong🇭🇰 #hongkongfood #hongkonglocalfood #hongkongtravel #hongkonginstagram #hongkongfoodblogger #hongkongcafe #explore #explorehongkong #西貢美食 #西貢好去處 #將軍澳美食

西貢餐室下一個懷舊嘅茶室但係入到去佢嘅餐牌可以係有泰式炒飯炒粉👍🏻👍🏻我就係朋友介紹特登專誠嚟食泰式炒辣飯😋😋我哋叫咗個泰式香葉煎蛋飯 、另一個特式炒米粉香葉炒飯辣到十足，泰式風味一流👍🏻👍🏻加隻流心煎蛋正到爆🥰🥰特色炒米粉，我朋友仲要加辣👍🏻👍🏻又真係幾野味😋😋炒米粉炒得非常之乾身唔會油林林，就算配料唔太多好好味，其實真係幾正👍🏻👍🏻餐廳其實仲有一般茶餐廳嘅炒粉麵飯咖喱湯米粉任君選擇，其實佢都屬於一間要當地西貢人先識去嘅茶室！

今日黎到西貢飲飲食食，已經食過出面嘅餐廳，所以今次試下小巷裡面嘅。聽朋友介紹呢間西貢餐室嘅飯好食，所以黎試下。我叫左叉燒炒蛋飯+凍奶茶🥤💰47已經好耐無見過40幾呢個價錢❤️小店座位唔多，食飯時間好快爆。所有飯都係即叫即整，一上臺已經覺得好吸引，炒蛋覆蓋曬成個飯，炒蛋好滑，加埋叉燒、甜鼓油，就算我戒緊澱粉，都忍唔住食左三分二，真心正👍消費價錢：1人💰47結論：（10分為滿分）味道：8/10性價比：10/10回頭指數：8/10餐廳名稱：西貢餐室餐廳地址：西貢西貢大街22號地下

老娘真係特登入西貢系開工前，要食到這間至愛的茶餐廳-西貢餐室。今次點了番茄🍅炒蛋飯（多豉油），友人話你自己都整到啦🥲但呢間廚子叔叔真係整得好好味🤤🤤次次入西貢都要打電話問下佢有無開舖，又早收舖，收4:00😅 番茄🍅炒蛋飯多豉油，是甜甜豉油呀，所以吃的時候不會太鹹。炒蛋好香滑🥰 好好味😋下次再去試下香葉炒烏冬走肉碎🤩🤩🤩🤩 不吃肉的我有少少麻煩，但其實都有好多好味😋的食物可吃😌😌😌❤️ 吃完後差不多4:00要收舖，沒有客人，老娘就跟廚子叔叔和店舖收銀能幹女子聊聊天🥰🥰 感受到他們愛工作，而且他們兩個都強調自己愛錢💰💰 返工都系為錢所以他們很少請病假。廚子叔叔做完手術休息一個星期又上班，現在還有手痛的感覺🥹🥹🥹🥹 希望你早日康復❣️

地方細細但係好多人幫襯👍店內比較多人叫嘅係叉燒蛋飯同埋泰式肉碎煎蛋飯 但我今次食星洲炒米😋 因為加埋凍飲都只係47蚊🔥🔥係西貢區嚟講呢啲價錢已經係買少見少星洲炒米夠鑊氣!配料亦好足夠!有火腿叉燒雞蛋絲....份量亦好大碟💕如果咖哩粉夠辣就更好啦😂😂

通常每次去西貢，都係食碼頭附近嘅餐廳。今次真係可以講，西貢除咗飲茶食海鮮同埋普通茶餐廳之外，仲有另一個超好嘅選擇。西貢餐室既地點喺一堆村屋既入面，雖然呢間茶餐廳係離碼頭比較遠，友人都差啲搵唔到間餐廳係邊度😂😂，但係我真係覺得物超所值，同埋好特別既泰國菜。👍🏻👍🏻👍🏻門面裝修係比較似香港以前冰室style，而餐廳地方又淺窄，本來以為只係普通既茶餐廳水準，但係食完真係覺得其他泰國餐廳都未必煮到咁地道又咁好食既泰式碟頭飯！🥰🥰🥰香葉肉碎煎蛋飯同埋香葉肉碎肥牛飯，真係必試既菜式！落單個陣侍應都會問你碟飯想要幾辣，我就叫左小辣，出到黎既香葉肉碎煎蛋飯既辣度手又真係岩岩好。加杯咸檸7要$15，友人碟香葉肉碎肥牛飯，加咗隻蛋，另外加$8，價錢尚算合理。碟頭飯全部都係即叫即炒，新鮮製作。肉碎份量超多，撈埋隻煎蛋一齊食。肉碎望上去有少少油光，但係肉碎夾埋香葉同豆角就無想像中咁油膩，反而仲覺得碟飯好惹味！咸檸梳打係用泰國既梳打水，再加兩粒仔咸檸檬落去，超有泰國風味🙈🙈

西貢除左西餐同咖啡以外，其實都有唔少既泰國菜餐廳。可能大家印象中既泰國菜只會集中響市中心巷仔內；但其實響西貢舊墟都有唔少被重重舊樓圍住既隱世餐廳，西貢餐室就係其中之一喇。響舊墟中搵到西貢餐室唔容易，平凡既門面裝修會令你絕對認為佢係好一般﹑好古舊既茶餐廳，甚至入到去因為屬於防疫規定下A類餐廳，每枱2人既規定，令枱與枱之間好迫而令你覺得唔太感覺良好。但當你品嚐到佢既泰式風味食品個陣，你就會對佢絕對改觀。 (當然你可以叫返茶餐廳有既炒粉麵 - 但呢度既客人有9成都會叫泰式食品)話明泰式食品既茶餐廳，食物種類不外乎香葉肉碎煎蛋飯﹑香葉炒河﹑蝦醬炒飯﹑炒金邊粉等。小編今日就享用左泰式香葉肉碎煎蛋飯 (記得怕辣既一定要叫小小辣，因為呢度既辣度係唔可以睇小既)，另外再叫左青檸梳打。10分鐘後就上枱喇。平凡既一碟肉碎飯，吸引之處就係全部都係新鮮製作，肉碎份量好多，雖然有少少油但配合香葉同豆角食都唔會令人有太油膩既感覺；同時肉碎有醃製過，所以唔需要太多既調味就足以令你食個陣有辣同香味。而青檸梳打就直接利用泰國直接入口既梳打水而唔係一般既梳打水，風味十足。配合兩粒青檸，令你響炎熱既天氣下得到充足既礦物質補

放假既生活是多麼美好 吾洗教閙鐘 可以訓到自然醒係一件幾幸福既事😏懶到一個點 連午餐都吾想煮 今日決定去西貢一間有泰國地道菜式食既非一般茶餐廳😎店舖格局比較懷舊 堂食坐位不多 所以門口長期都迫滿人等位🤭據說老闆娘是一位泰國人 老闆卻是香港人✌️夫妻合力一齊打理餐廳 令每位客人都有家的感覺 非常有親切感😚我今次點左 人氣首選叉燒炒蛋飯和香葉肉碎煎蛋飯👍所有菜式都係即叫即炒 鑊氣十足 上餐速度算快 份量大 價錢公道🤗係一間值得支持既懷舊小店🥳。叉燒炒蛋飯 (HK $50)雖然我知道炒蛋要滑應該落吾少油 要食好西就兼顧吾到甘多🤣耐吾時食一次 吾怕既🤫大大碟 熱辣辣 滑滑既炒蛋包含著滿滿既叉燒 勁足料 配搭埋豉油 一齊食 超正🤤。香葉肉碎煎蛋飯 (HK $50)最惹味既飯莫過於香葉肉碎煎蛋飯 我吾係好食得辣 所以點左小辣程度 濃濃既香葉味道 配搭任何辣度都一樣甘頂呱呱 飯面上的煎蛋與肉碎撈勻一齊食 更散發陣陣蛋香👍CP值極高😁。總括而言 西貢餐室 係一間隱世特色懷舊小店 主打泰國菜式 價錢優惠份量大 款式選擇算多 所以吸引了不少街坊長期幫襯 喜歡銅板美食既朋友 絕對可以嚟試下🥳。食物:6/10價

依間隱世泰式茶餐廳，只開半日、一般3點前就收檔所以吾會有晚市食，所以如果想試就要早少少黎或食午餐都仲可以試到吾好睇間小店細細地，炒野有鑊氣，仲有泰式風味先介紹最好客人叫叉燒滑蛋飯🤤除左蛋夠滑配料同叉燒都好足叫依個飯要留意👉🏻落單叫叉燒滑蛋飯 同叫叉燒煎蛋飯係吾同，依間小店煮法有兩個，所以落單前要講清楚🥢😋另推薦泰式炒金邊粉、香葉肥牛肉飯依兩款除左有鑊氣外，香葉肥牛飯好夠香，試過就知吾錯所以間隱世小店好多捧場客同熟客黎食，午市會較多客人

叉燒炒蛋飯 $38見到滑蛋+叉燒仲唔雙眼發光🤩仲要多豉油呀‼️我知蛋要炒得滑要落好多油，好西就係不健康😭耐時食一次💪🏻值得一提個凍檸茶好好飲，係泰式檸檬茶既特別味道😋😋 雖然西貢餐室既外表似係一間普飛茶餐廳，但餐牌入面唔少泰國地道菜式，例如Pad Thai、泰式蒸餃，食過認真幾高質🤤值得一試😍

每一次去我都只會叫頹廢飯，話雖叫頹廢， 但佢一D 都唔差，反而仲好好食。叉燒唔鞋， 蛋香，甜豉油唔會濃搶味。加少少錢仲有原支泰國象仔梳打水。Lunch Time 好多人好爆，一係早少少， 一係外賣，仲有， 佢會失驚失神唔開門，所以食好野都要睇緣分。PS 個侍應阿妹好有禮貌。

西貢好多人細美食就大家都知，依間中式茶几直情係人世中嘅人世。條大街小巷過後，突然轉有一間好細間，外邊冇乜廣告嘅老字號餐廳。一般人去拍拖真係未必會揀呢間嘢食，因為環境唔討好，坐得又唔特別舒服。不過同朋友嚟，就梗係要揀呢啲嘢食啦，支持下老香港美食嘛。佢真係最出名嘅嘢食，連圖擺上間餐廳上面貼住喺場上邊。而今日食嘅就係叉燒炒蛋飯，望望成個芙蓉蛋飯咁。唔嫌佢重口味嘅話，真係幾好食。好香，剪得好好，識落用嚟送飯直情係一流。加埋杯鹹柑桔物，我滿足了。

誠意推薦 ✊🏼至愛 ...特色炒米 ❤️泰式香葉飯 ❤️叉燒炒蛋飯 ❤️炸蝦丸❤️泰式餃子❤️百吃不厭 😋 份量大碟抵食 （女仔去記得叫少飯 ，咪做大嘥鬼）西貢茶記首選 📍🥇香港地真係賣少見少 懷舊地道小店 ！由店舖裝潢講到食物 都充滿住風味 的確難得💪🏼 懷舊..令人放鬆心情 是一種減壓方式 💆🏻‍♀️都市人 不妨放慢腳步 放下工作煩惱 到西貢海邊走走 來個懷舊餐室午餐 過一個不一樣既假日 爲生活忙碌既自己叉叉電 重新出發 Power up 🏋🏻‍♂️

假日離開西貢巿中心揾食，行去翠塘停車場嗰邊，趕緊喺四點收舖前嚟到落單：肉碎飯、蝦醬炒飯、餃子、叉蛋飯同鹹檸梳打。大廚喺開放式廚房一放蝦醬落鑊，全間舖的人即時呼吸同一味道。炒飯夠鑊氣，蝦醬咁惹味，自然越食越想食；肉碎夠辣有迷人香葉味，泰風味十足。餃子饀加咗金不換，清香，點埋個醬嚟食，味道上非常有自家特色，係一種會令你記住的美味，好彩有叫到呢碟餃子；叉蛋飯足料，豉油唔死鹹，蛋炒得剛好，唔會太生又唔太老。食咗咁多味道，飲啖鹹檸梳打中和吓就最適合，個鹹檸齋食唔好味，配梳打反而有化學作用，兩個超啱key。地方細細卻坐滿街坊，點可能錯過。