金坊泰國美食

营业中

休息中

好耐冇食过船河，今日突然好想食，见到金坊泰国菜好多人排队，即刻又排埋一份先，呢间泰国菜馆，好似好多年前喺荃湾食过， 印像中好似都唔错嘅。等左一阵，咁啱到左下午茶时段，仲好添，平D丫嘛。坐低即刻order 左个鱼蛋船河$46，下午茶仲有小食同饮品。真系抵食！重点系D野好唔好食，碗船河一到，睇落唔错，汤底好浓，真系好有泰国风味，鱼蛋好弹牙，细细粒几好食，河粉真系泰国濶身𠮶种，唔知呢间舖头系咪真系泰国人主理既呢？食泰国粉另外一个重点，紧系D辣粉，辣鱼露啦，呢度都有呢D调味料放喺枱度，等你整色整水，真系好似返泰国咁，好正。不过小食就麻麻地，鸡软骨饺子好硬同埋唔热，可能系一早整定既关系，所以唔好食。冻奶茶就系一般港式既味道，唔系泰式既，不过都好饮，同埋好大杯。另外仲叫左海南鸡船河 $46，汤底都系一样咁好味，不过D鸡就嚡D。另一个小食，红咖喱蒜蓉包都系唔好食，个咖喱有D奇怪，椰汁味又太重，蒜蓉包又系唔热既。总括喜欢船河个汤底及河粉好似几正宗。不过D𩠌同小食就真系麻麻地，下次去唔叫小食都无损失。