新森林焗之專門店 (英皇道) (已結業)

又要过港岛区做野了，做完超肚饿即时揾下附近有咩食，见到有呢间焗饭专门店，就突然间好想食了。都未睇餐牌，就见到呢个今天之选，懒得谂之下就决定食呢样啦。焗饭加五蚊有杂菜汤，但汤味道过淡，有d似茄膏沟水咁，而杂菜亦唔够淋，比较令人失望。主菜焗意粉过左一阵就上台了，由于我要求走芝士，所以即叫即焗。意粉份量相当多，鸡扒两大块，鸡扒非常嫩滑，唔会焗得太干，蕃茄酱有浓郁蕃茄味，美中不足既系酱汁唔足够，食到最后意粉已经无乜汁，如果可以加多d会更好。