新森林焗之專門店 (英皇道) (已結業)

以前一講起焗飯，多數會諗起大X樂嘅招牌焗豬，但價錢嚟講其實一啲都唔吸引，再加上佢無野飲跟，變左好多時要自己加野飲，令個價錢「更上層樓」，整整下就少左去食了...直至搬左過港島之後，先發現有一間焗飯專門店，性價比超級高！除左野食味道好之外，價錢、份量等等各方面都係一流，再加上外賣自取有優惠(88折)，所以好多時我都會買返屋企食，幫襯左咁耐一直都未有為佢寫食評，今次真係要評一評、讚一讚了！我點餐嘅時間仲喺下午茶時段(2-6p.m.)，我嗌左一個下午茶A+B套餐：黑椒芝士焗豬扒飯配蟹柳凱薩沙律，餐飲係熱奶茶，88折之後盛惠$36，等左大概十分鐘就出餐，速度嚟講都算幾快！之後講下味道，本身鍾情黑椒汁嘅我覺得呢間餐廳嘅出品十分之高質，佢嘅黑椒汁濃而不「傑」，豬扒肉質雖然唔算嫩滑，但亦好入味；加上份量好足，絕對唔會偷工減料，整體嚟講都係一份出色嘅黑椒焗豬扒飯！至於蟹柳凱薩沙律，生菜好新鮮、沙律醬同蟹柳嘅配搭亦都唔錯，值得一試再試！最後講下店內環境同服務，之前曾經喺店內堂食，環境比較陰暗，室內光線明顯不足；服務態度方面大致良好，侍應們工作效率十分高，行步路都快過人果隻！總括嚟講，新森林焗之專門店係一

放工好眼瞓, 所以搵處下午茶加晚餐一炮過食, 然後返歸搵Mr.Chow。今次揀咗新森林, 下午茶A or B set包熱飲, 凍飲+$3, A B set分別係多個小食, 價錢$39/$47； 我當然揀$39喇…下午茶有多項選擇及配搭, 我就叫咗個鮮茄焗豬飯+煎餃子配央走。焗豬正常操作, 以下午茶份量算大份量, 螢光橙色汁味道唔錯, 豬扒正常鬆軟, 飯粒分明；煎餃熱辣辣, 味道無乜好講, 正常水準, 熱央走咖茶味分明, 味道ok, 埋單$39, 只收現金。環境：6/10, 味道：7/10, 服務：8/10

北角呢一間都好多年歷史，佢個格局基本上就係一般茶餐廳，啲設施其實都開始殘舊。焗飯黎講其實佢都算好多選擇，價錢普遍都係50至60左右，其實以晚餐黎講都算係平。叫咗個黑椒芝士漢堡扒焗飯，正正常常冇咩投訴，所以耐唔耐都會去食。

地道港式茶餐廳～早午晚餐menu 都好地道，都好多嘢揀，一定有款啱食今次下午茶就食炸魚漢堡，再加埋炸薯角好邪惡 但真係抗拒唔到啊～以上嘅好難唔好食，炸魚炸薯角 夠脆！都好夠味下次想試埋佢其他款～

經常點新森林外賣，飯量好足，大胃王餐。如果飯量少建議少飯。等待時間唔長，值得試。不過個人比較鍾意佢嘅凍啡，唔算好甜，而且都幾足料，次次堂食堂外賣必點。拉麵都好食，值得試。

岩打完波，天氣又熱，去左新森林食下午茶，去到嗌左個鮮茄焗豬，另跟沙律，同餐湯。餐湯只係一個餐湯，但都算足料。反而沙律都唔錯，份量都夠大。到主菜，焗豬，而家新森林真差左好多，豬扒又冧又咸，不過尚算熱。同芝士味都夠

新森林餐廳亦都進駐左北角一段時間，你呢一度備受好評嘅應該就係各種各樣嘅芝士焗飯以我喺呢一間餐廳入面最鍾意嘅就係芝士牛魔王焗飯，50幾蚊就可以試到牛嘅唔同部位例如牛腩牛肋骨同埋牛脷，再配合焗左嘅炒飯真係淡淡都好有滿足感，可以以優惠價配一啲小食又得本身亦都包埋嘢飲其實真係幾抵作為西餐嘅愛好者得閒都可以過嚟試吓

去北角站交收手信，剛好到了午飯時間，就一試新森林。好久沒有吃焗豬扒飯，餐廳提供迷你焗飯配沙律，小妹就要了迷你焗豬扒飯$42配青木瓜沙律蟹卷（+$3），飲品要了熱菊花蜜。熱菊花蜜清潤無比，甘香怡人，滋潤喉嚨良品也！青木瓜沙律有沙律菜、粟米、車厘茄和青木瓜絲，略嫌醬汁辣了少許，小妹受不了。炸蟹卷外酥脆內鮮嫩，好吃。迷你焗豬扒飯份量對小妹而言恰到好處，醬汁酸甜剛好，芝味無窮，豬扒也軟腍。如果飯粒口感可稍為乾硬少許，就無懈可擊了！

之前通常幫襯湾仔那間新森林，自從湾仔那間停業後，一直也没有再吃過了。今天經過北角這間新森林，門面細細很容易走過也看不到。決定入去吃個午餐焗飯，點了焗豬排飯配檸檬水$43。如果是大胃王，可以加$6則有餐湯及麵包。焗飯上面鋪滿芝士加上番茄，醬汁有番茄香，飯粒粒分明，豬排肉質淋帶骨，芝士焗得稍微有点燶但又不會過燶很美味。對女士来说，這個焗飯不加湯及麵包都夠飽了。檸檬水有三片檸檬，飲落有檸檬味可解猪排的肥膩。

🤦🤦🤦🤧是夜北角已經21:30，大多數餐廳都關門，or就關門，或者廚房一係提早收爐。眼前只有佳記，麥記，因為平，這2間都已經吃到厭，附近窄巷仲有間新森林。來到店家，之前一直吃開牛舌，牛扒都覺得不錯,今次試試雙拼一下來到了，很大份至於入口就。。。🤢海鮮好難吃，但總算可以入口至於豬扒，勉強吃了點就放棄，又乾又硬。建議穩穩陣陣都是食返牛肉類會好d。58蚊小薯心想，早知道食老麥就算，同等價錢。。。。

第一次食呢間，被佢牛扒第二份半價所吸引入去食。一入到去當然即刻叫左兩份牛扒，再叫左個大胃王焗飯試下。一嚟先上左個加八蚊嘅羅宋湯同脆豬。羅宋湯意外地味道唔錯，見價錢咁平本身都無咩期待。而且侍應都好好，肯將原本嘅檸檬吉士脆豬轉做牛油脆豬。跟住再嚟到嘅分別就係牛扒餐嘅薯角同芝士焗意粉。意外地焗意粉嘅份量都唔細，芝士濃，輕易做到拉絲嘅效果。至於薯會以為好似平時茶餐廳咁，但竟然配有芝士醬，而且薯角應該炸起無好耐，相當脆口，加上芝士醬呢個配搭簡直無得頂。至於呢兩杯嘢杯就不過不失終於呢到主菜，我就揀左蒜蓉汁牛扒。塊牛扒相對上比預期細，但加埋意粉或者薯角就一定夠飽。我個人本身比較鐘意食全熟牛扒，亦預左會有啲韌。食落去係好乾，牛扒完全無本身d肉汁，只能靠蒜蓉汁幫補下。大失所望。至於大胃王焗飯，本身以為份量會特别大，點知原來係個名特别而已。配有炸雞同腸仔，一句概括：味精好重！食完之後係好口渴，即刻叫杯水嚟飲。好麻麻總括而言，前菜帶嚟希望，結果主菜大失所望。但價錢喺北角晚餐嚟講算唔錯。牛扒除開兩個人都係70蚊左右。

新森林餐廳  芝士番茄焗素牛肉飯☺-------呢間餐廳係我近期幾中意食嘅一間焗飯有好多選擇 每樣都好吸引  每次都選擇困難症 而且仲有提供幾款素食嘅選擇 今次我就叫左呢個芝士番茄焗素牛肉飯首先佢嘅芝士真係好香 仲有得拉絲架番茄嘅份量亦都好多 飯底係白飯加左粟米 增加左口感我幾中意佢個素牛肉 像真度，口感，同味道都唔錯 應該係用麵筋整的 唔想食咁油膩都係一個唔錯嘅選擇☺成個飯嘅份量都幾多 我食左四份三都飽了 😂😂剩返少少就比男朋友清埋佢😂-------$51(連飲品) Rating:  8/10

食物可以, 但員工態度極差, 由其那位白衫女待應,下午茶時段, 點餐焗豬, 凍寧茶, 由於飲品飲完問那位白衫女待應攞杯水, 她回應轉頭給你, 但過了一會, 沒有給我水, 我只好問另一位男待應但這時, 這位白衫女待應便在食堂另一方大聲說:去麥當勞攞啦, 語氣態度十分惡劣, 看似十分不滿顧客攞杯水,那位男待應亦沒有理會那位白衫女待應, 便拿了杯水給我, 這位男待應值得加許

12月31日去左新森林食 等左1陣位就入得我地成班好多人 佢分左2張隔黎位置既4人枱 服務都叫okay 最估唔到係佢31號都冇加價 仲有個第2個bino加38就得 係呢啲特別日子唔加價有special menu 已經好好 佢仲有優惠 呢樣要讚！我就叫左個墨魚汁湯底 幾特別 味道唔伏既 都算係禁 啲配料可以揀3款 唔係太多選擇 味道正正常常以呢個價錢 都叫可以一試

以往去新森林, 一定食招牌焗飯, 每次都即叫即焗, 新鮮熱辣配半溶芝士, 真係百吃不壓。今次行過發現有一人火鍋, 價錢同配料都好吸引, 即刻入去試試。叫左二個鍋, 豆乳濃湯同椰子雞湯。點解要叫二個鍋呀? 係因為太肚餓定想增肥呀? 係因為太抵呀!! 第一個鍋$68, 加多一個鍋只係加多$38咋!! 二個鍋既配料仲一D都唔少, 隨鍋上有小量菜, 另有一份肉同三款配料再加一個麵食, 仲送埋飲品 !! 想食得豐富D既, 仲可以追加韓國蠔或者雙倍肥牛。最後order左肥牛, 韓國魚肉腐皮, 韓國溜心糕, 黑椒牛丸, 香菇貢丸, 加拿大海蝦, 豚肉餃子, 仲有日本稻庭烏冬。 追加左雙倍肥牛同韓國蠔, 加埋巨峰提子特飲同芒果特飲, 完美的一餐!!