燒肉 JuJu

营业中

休息中

又毒又穷又想食烧肉？呢间小店帮到你🤣 主打平靓正嘅烧肉套餐，另外亦有单点选项。店内环境唔大，设有多个一至二人座位，仲有块版隔住，享受Me Time就啱晒。值得一提嘅系呢度开到凌晨12点，夜晚饿饿哋都可以过嚟食。烧肉寿喜烧套餐包含日本和牛150G+秘制寿喜烧汁、前菜、日本蛋同白饭。和牛薄切，嫩滑多汁，旁边附上多款酱汁，可自行调配属于自己嘅味道。建议可以加钱升级日本蛋紫菜饭，将烧肉捞埋入去食真系好Match！壶渍原条蒜香猪腩条定食包括味噌汤或黄金粟米浓汤、泡菜或日式沙律，配上明太子日本蛋乌冬或日本蛋紫菜饭。原条猪腩卖相吸睛，吸满酱汁，油脂满满，肥瘦均匀，烧至焦香，外脆内滑。乌冬软硬度适中，附上蛋、紫菜、木鱼、葱粒，搅拌后食，唔觉唔觉就清晒。