影片
更多
2020-10-26
97 浏览
食肉兽又出动！发现屋企附近有呢一间平价嘅自助热石牛食，梗系call齐朋友一齐嚟试吓啦。虽然我哋系热门时间入嚟，但系都唔会话等好耐先有嘢食，因为半自助嘅形式，好快就有得食。我就拣咗食牛肩排，埋单都只系$80 ，好抵呀。叫完嘢食之后，就可以出去自己拎嘢食啦。值得一赞嘅系呢度防疫意识好足够，出去自助吧拎嘢食，一定要戴口罩㗎，咁就唔会喷晒啲飞沫落去嘢食度。呢度嘅自助吧有沙律，配两种酱:芝麻酱同埋柚子醋。另外仲有面豉汤，饭，仲有紫菜粉可以自己铺落去。另外仲有点牛肉嘅各种酱料：蒜蓉，秘制烧肉汁，同埋辣酱。不过就算唔想攞酱汁，枱面亦都有其他调味料：有喜玛拉雅盐，黑椒粒，同埋烧烤香料。拎完嘢食就快啲去攞围裙啦，因为劲快就已经可以食牛啦！呢度好贴心，石板同牛放上黎嘅时候会有一张纸巾，防止啲油弹到成面都系，抵赞！我哋见到枱面黐住咗一个小小嘅instruction，提我哋趁佢热嘅时候，快啲将旧牛切到细细粒整熟佢，不过就算块石板冻咗，原来都可以同职员讲叫佢哋换过另一块热嘅石板，咁都俾佢谂到㖞。我就唔钟意食全熟嘅，自己烧就可以自己控制佢生熟嘅程度啦，我就整到七成左右啦。首先食一旧牛试吓个味先，好多肉汁，而且有好
虽然我哋系热门时间入嚟，但系都唔会话等好耐先有嘢食，因为半自助嘅形式，好快就有得食。
我就拣咗食牛肩排，埋单都只系$80 ，好抵呀。叫完嘢食之后，就可以出去自己拎嘢食啦。
值得一赞嘅系呢度防疫意识好足够，出去自助吧拎嘢食，一定要戴口罩㗎，咁就唔会喷晒啲飞沫落去嘢食度。
呢度嘅自助吧有沙律，配两种酱:芝麻酱同埋柚子醋。另外仲有面豉汤，饭，仲有紫菜粉可以自己铺落去。
另外仲有点牛肉嘅各种酱料：蒜蓉，秘制烧肉汁，同埋辣酱。
不过就算唔想攞酱汁，枱面亦都有其他调味料：有喜玛拉雅盐，黑椒粒，同埋烧烤香料。
拎完嘢食就快啲去攞围裙啦，因为劲快就已经可以食牛啦！
呢度好贴心，石板同牛放上黎嘅时候会有一张纸巾，防止啲油弹到成面都系，抵赞！
我哋见到枱面黐住咗一个小小嘅instruction，提我哋趁佢热嘅时候，快啲将旧牛切到细细粒整熟佢，不过就算块石板冻咗，原来都可以同职员讲叫佢哋换过另一块热嘅石板，咁都俾佢谂到㖞。
我就唔钟意食全熟嘅，自己烧就可以自己控制佢生熟嘅程度啦，我就整到七成左右啦。
首先食一旧牛试吓个味先，好多肉汁，而且有好香嘅牛味呀！
跟住就试吓落佢啲调味料，我觉得三个调味料落晒个味道就最好食啦，咸咸地然后又有黑椒嘅辣味，又有烧烤香料嘅香味，食落去真系一流！不过仲有另一个食法就系送饭食，我就觉得如果送饭食除咗落香料，佢个秘制烧烤汁一定要点啊！用嚟送饭真系可以食晒成桶饭。因为呢度啲饭系任装㗎，食完唔够饱可以再食啊，饭桶就记得过嚟食啦！
张贴
