LM Cafe (已結業)

今日夜晚平平哋食咗呢间系观塘嘅LM cafe~ 呢度距离地铁站都有成5-10分钟到嘅路程，不过胜在环境够清静，地方又几宽敞，所以呢个晚饭都食得几开心！😋我哋夜晚六点几近七点嚟到，人未算好多，仲有小小位剩，不过到我哋走嘅时候呢度就坐满晒人啦～睇完份Menu之后，觉得呢度好多嘢食都好吸引，不过最后我就选择咗咸牛肉芝士玉子烧配鸡翼同埋捞丁，而男朋友就选择左入流心奄列餐！首先嚟到嘅系男朋友点嘅流心奄列餐（$50），拼鱼柳（+$2）、芝士汁同饭。芝士汁嘅份量控制得啱啱好，如果多得滞个饭就会好咸好重口味，但系太少嘅话食到最尾就会口淡淡，但系佢就啱啱好可以送晒啲饭咁食，正🤤之后就到我份咸牛肉芝士玉子烧（$55），本身以为玉子烧餐嘅份量应该多极有限，食完都唔会饱，点知跟餐配嘅捞丁都几大份，鸡翼仲有成三只咁多，搞到我又食唔晒分咗比男朋友食🙈🙈🙈个玉子烧入面嘅芝士可以拉到少少丝架，而个鸡翼都腌得几入味，如果捞丁酱汁嘅份量可以更均匀就好啦👅饮品方面我哋就拣咗一杯北海道3.6牛乳（+$6）同埋黑牛（+$8），不过因为冇朱古力雪糕，所以就换咗做云呢拿，但系都同样好正！因为其实我都系志在食雪糕😝😝最后又到甜品嘅时