Patisserie Tony Wong Dessert Cafe (已結業)

因为未试过去食贵妇high tea，见到Tony Wong既价钱相对亲民，所以同朋友仔一行四人去左试试。Tea set个名虽然叫全日茶点，但只限14:30后供应，我地14:15去到，店员话堂食限时90分钟，入座起计，但tea set只可14:30后落单，于是我地喺门口等左阵。其实店内坐位唔多，但14:15都几多空位，但大家陆续入座，店员14:25话俾我地入🥰我地叫左三层既tea set，芒果四重奏同榛子蛋糕。店舖限定每人最低消费$60，而且tea set份量都几大，可以叫啲单点，唔洗夹硬食。tea set外貌好igable，加埋云石背景，打卡一流，望落完全唔似平价。食物质素正常，但性价比已经好高。款款都差唔多味，正正常常，落糖轻手少少更好。同行友人好欣赏，但我觉得相当普通，一般榛子味，好感有层次。值得一提既系，茶唔系用茶壶，白咖啡既拉花便系完全失败，但店员超勤力问杯茶要唔要加热水，抵赞。另外，店面较细，打卡会几引人注目，大家要厚脸皮少少🤣呢个质素，呢个价钱，已经好满意。