圓香

营业中

休息中

夜晚揾野食，因为果头都系新居入伙，个商场啲舖头都开哂，见到呢间餐厅款式多价钱合理，仲有酸菜鱼食，就入去试下啦。话哂都系新舖，环境都叫干净企理嘅，啲位都唔算太逼，坐落都舒服。除了几个小菜之外，重头戏就系个酸菜鱼，上菜系用个长方形盘装住再用炉keep住加热，入面系一条完整有头有尾，炸过嘅鱼。辣度任君选择，咁我地就叫左微辣，食落系够味，有酸、辣、麻，啱哂我呢啲中意食酸辣重口味野，但又唔系真系好食得辣嘅人过下口瘾。配菜就有芽菜、木耳、豆卜、金针菇、莴笋，食落都好入味。整体不错，但系饮品就比较逊色，柚子蜜同柠檬茶都好淡味。