BB辣

营业中

休息中

今日懒得放工去荔枝角香港工业中心到行下街行都有少少攰就去咗呢间BB辣到食嘢啦夜晚有个二人套餐，二百几蚊就有一盘酸菜鱼加两个小菜仲有埋白饭添！如果唔系太钟意酸菜鱼嘅话，都可以拣水煮鱼同麻辣鸡煲嘅！呢度最值得赞就系有得拣BB辣！以我哋呢啲食唔得辣嘅人来讲，又钟意食酸菜，BB辣就最啱啦！岩岩好，唔会太辣！真系好多酸菜鱼呀！超级足料！成个煲都好满！入面有薯粉，鱼肉好滑！鱼有细骨，食既时候要小心。如果鱼系冇骨嘅就好啦！好香口，惹味！ 肉片唔会太肥！正！第一次食酸辣土豆丝，因为酸既关系，薯仔既质感唔同左，都几得意，几好味！好抵食呀真系，平平地食一餐酸菜鱼，可以试下呢间！