磊犇 (已結業)

近年香港都多咗好多餐厅食石板牛🐮，而我都爱上咗食🥰，最近就比我喺太子发掘咗间都系食石板牛嘅餐厅。呢间餐厅好似日本咁自助点餐，有部自动贩卖机自己去点餐，如果无咩idea想食咩🤔，唔驶怕，墙上有好大幅牛肉主要部位之图解，教你点样去辨认牛嘅部位。又或者可以上wechat扫下个QR code就可以了解多少少。最后拣咗个牛肩肉400g同埋磊牛扒300g。职员比咗部机我，等部机闪灯就可以自己去拎餐。几分钟之后已经有得拎，本身块肉只系1成左右，表面熟透，但系要睇你想食几成熟而自行再用热石去整热块肉，先将佢切开细细旧再慢慢整热去，我个人就比较钟意食7成熟。牛扒同牛肩肉食落去都好有肉味，肉嫩多汁😋，而牛肩肉食落去就比牛扒厚身少少。食牛嘅时候仲有几种酱汁比你拣，有照烧汁、黑椒汁、胡麻酱，另外仲有黑胡椒同玫瑰盐。出面仲有自助吧，有沙律🥗、泡菜、泡萝卜、白饭🍚、面豉汤，而饮品方面亦有洛神花山楂茶、菊花茶🌼同绿茶🍵任你拣。店主仲好细心，如果怕啲汁弹污糟件衫，出面有围裙比你拎，咁就可以安心进食啦。