影片
更多
2020-09-22
30 浏览
中午放饭时间经过一间点心店，虽然环境唔大，但坐落都唔会好迫夹就入咗嚟。价钱唔贵，款式选择多，特别系有无味精炖汤！日日唔同，今日叫咗花生眉豆鸡脚炖响螺汤，够晒火候，唔似平时饮开嘅例汤，饮落喉咙会好舒服。点心方面，两个人叫咗好多嘢，因为真系好肚饿！肠粉孖宝餐: 叉烧肠配虾饺，叉烧好足料，每啖都有满满嘅叉烧。虾饺皮薄，虾肉弹牙。孖宝餐都只系$45！仲有平时必点嘅凤爪、烧卖、鲜竹牛肉球、珍珠鸡。罗宋汤鲜竹卷，呢款就比较新颖，配上罗宋汤唔系好多地方有，不过罗宋汤味道淡咗少少。甜品有桑寄生莲子蛋茶，即叫即整等大概15分钟，够晒养生，仲有大大只鸡蛋，饮完暖粒粒！食咗咁多嘢，人均都只系$100多d，好过去茶楼饮茶啦！
价钱唔贵，款式选择多，特别系有无味精炖汤！日日唔同，今日叫咗花生眉豆鸡脚炖响螺汤，够晒火候，唔似平时饮开嘅例汤，饮落喉咙会好舒服。
点心方面，两个人叫咗好多嘢，因为真系好肚饿！
肠粉孖宝餐: 叉烧肠配虾饺，叉烧好足料，每啖都有满满嘅叉烧。虾饺皮薄，虾肉弹牙。孖宝餐都只系$45！
仲有平时必点嘅凤爪、烧卖、鲜竹牛肉球、珍珠鸡。
罗宋汤鲜竹卷，呢款就比较新颖，配上罗宋汤唔系好多地方有，不过罗宋汤味道淡咗少少。
甜品有桑寄生莲子蛋茶，即叫即整等大概15分钟，够晒养生，仲有大大只鸡蛋，饮完暖粒粒！
食咗咁多嘢，人均都只系$100多d，好过去茶楼饮茶啦！
张贴
