Café&Meal MUJI (已結業)

今次黎左铜锣湾无印食野，呢度系用手机落单嘅，落完单店员会亲自攞过黎，仲有个盖盖住，卫生又方便。蛋沙拉三文治面包有烘过，脆脆地几香口，加埋入面夹住啲粒粒分明嘅蛋沙拉同菜，几夹几好食！薯条就热辣辣，配嘅沙律菜都好清爽。系食完啲香脆（热气）嘅野再食啲菜感觉就健康啲，仲可以解下油腻！佢仲有个兜仔分开装住啲茄汁，几精致。跟餐配埋野饮，今次我就叫左杯橙汁。青苹果芝士蛋糕 青苹果同芝士嘅配搭都几新奇，入面真系有块青苹果喺度！唔算得上好夹，但系都唔会难食。环境方面，因为今次系下昼去嘅，所以无咩人，四周围唔会好逼，都几舒服。不过到6点几走嘅时候就已经坐满人啦。