Café&Meal MUJI (已結業)

今日同朋友仔想食得健康清淡啲，大家都不約而同提議食Cafe Muji😌利舞臺分店通常都唔洗等位，坐低scan qr code落單再等職員送黎就得，方便快捷！收銀附近仲有水同牙籤可以俾客人隨意拎，好貼心。🥢四品料理套餐第一個套餐叫左各兩個冷盤同熱盤，分別係芝麻醬拌菠菜冬菇，生薑醬汁雜菜厚燒玉子，黑醋醬豚肉同菠蘿翠玉瓜炒牛肉粒。麻醬撈任何野食都唔會輸，不過估唔到凍既芝麻醬拌白飯食原來好夾！保持少少爽口既波菜配上冬茹同紅蘿蔔🥕令人好開胃。玉子帶有濃郁蛋香，加入各種蔬菜唔單止色彩繽紛，仲豐富左口感！豬肉🐖先炸過再淋上酸酸地既黑醋汁，好醒胃，略嫌豚肉比較嚡口🙈牛肉採用肋肉部位，以酸酸甜甜既汁加埋蔬菜粒一齊炒，色香味俱全！🥢四品料理套餐第二個套餐叫左柚子胡椒醬拌日式叉燒沙律，生薑醬汁雜菜厚燒玉子，梅子醬汁照燒雞肉同醬燒比目魚。沙律🥗有大量既蔬菜，營養均衡，再淋上清爽既柚子胡椒汁，好惹味！雞腿肉嫩滑，用上紫蘇葉同梅子醬黎醃，再撒上香草🌿，掩飾雪味，非常之可口。比目魚🐟以味噌先醃過再燒熟，燒至表皮金香，肉質白滑，好岩送飯，淨係得一小舊唔太夠喉！📍Café&Meal MUJI銅鑼灣波斯富街99號利舞臺廣

-最近見到個post係關於Muji Cafe (利舞臺店）即將結束營業諗返起以前～成日係銅鑼灣出沒經過咁多次～都從來冇試過🤔於是某日放咗學之後就自己去咗食😂 店內好多人都係一個人黎嘅～🫣好適合享受自己一個既時間同自己獨處～而且有手機落單！🥺社恐都可以自己一個去餐廳食飯完全唔怕！！！去之前都有research過～大概知道有咩係值得叫/試下～但係我真係對個啲日式四品料理冇咩太大興趣😛反而叫左 牛油雞肉雜菜咖喱飯（十六穀米）💛$98熱辣辣的咖哩汁撈飯食真係好好食😋小食就揀左👉🏻和風雜菌汁厚燒玉子💛咬到有好多菇菇！口感豐富Set有餐湯！係面豉湯～💛有好多紅蘿蔔碎😋仲有加$20 凍烏龍茶💛加$32 有埋 本和香糖布甸💛有啲普通～有機會會想試下蛋糕好耐冇打咁多字！嘿嘿ww 利舞臺店 真係對我來說充滿回憶～中學嘅時候間中都會行下～買下文具～行過見到Muji Cafe都會忍唔住好奇！要偷望幾眼！然後人大左就會遺忘左🥲如果唔係睇到個post ～我都唔會突然間記返起！這次的探店經歷算係~~~🤔完成左一個過去的小小心願www📍 Café&Meal MUJI — 利舞臺店 #Foodie #hkfoodie

This place used to be my favourite haunt. But it seems like the quality of food and hygiene has gone downhill over the years. I should have taken a picture of the meal I ordered today (rice set with 4 side dishes). The food was poorly presented and the taste was quite frankly mediocre. The shrimp in the shrimp and broccoli side dish did not taste fresh, and the spinach salad was just a bland mix of Japanese sesame mayo and spinach. The other cold dish I ordered was some kind of stuffed inari. It

一個人叫咗個四品料理套餐，可以自選冷盤兩款同熱盤兩款四品料理套餐 $118茴香奶油雙花蝦除左蝦之外，有西蘭花同椰菜花，啲醬非常creamy 明太子炸雞炸雞有三舊，炸得非常香脆，炸粉唔會太厚，配合明太子醬真係非常出色。生薑醬汁雜菜厚燒玉子呢個都係冷盤，玉子入面有紅蘿蔔、翠玉瓜同洋蔥，有好濃嘅薑汁味。和風高野豆腐蟹肉沙律呢個都係冷盤，啲豆腐醃得好入味，酸酸甜甜，非常醒胃。十六穀飯可以選配十六穀飯/白飯/季節沙律，我揀咗十六穀飯，十六穀飯以長野越光米混合大麥、紅米、玄米、糯粟等十六種MUJI 原創的穀物組合，飯粒粒分明，又可以補充維他命、礦物質、纖維和促進新陳代謝之酵素。餐湯麵豉湯除咗一般麵豉湯有嘅材料之外，仲有菇、蘿蔔粒同椰菜等，用料十足。📍Café&Meal MUJI銅鑼灣波斯富街99號利舞臺廣場3樓❤️價錢：8/10❤️味道：8/10❤️服務：8/10

假日同友人係銅記行街，晚上冇乜心水食咩，經過利舞臺友人提議去MUJI，講起來又真係好耐去冇MUJI食了，加上又近之下就去。裝潢以木系為主調，假日晚上的7:30，食飯時段比較多人但都有位嘅。餐牌，都係揀返四品料理套餐，電子落單同比錢等送餐果下方便，適合一人食時唔洗怕出去拎餐及比錢而冇左個位。四品料理套餐，$110，要了兩款冷盤及兩款熱盤，黑醋醬豚肉、味噌烤比目魚柳、生薑醬汁雜菜厚燒玉子、芥末醬汁帶子蓮藕沙律，配十六米及味噌湯，每款料理少許的份量果下都幾好，唔洗怕食唔晒呢。味噌湯。十六米感覺比較健康點。芥末醬汁帶子蓮藕沙律，沙律爽口帶子軟嫩。生薑醬汁雜菜厚燒玉子，味道香甜軟腍少許薑味。味噌烤比目魚柳，魚肉嫩滑香口。黑醋醬豚肉，肉質鬆化惹味。檸檬甘酒熱飲(無酒精)，跟餐+$18，酸酸甜甜有檸檬香味，感覺醒神。食物味道保持水準幾好味。

唔知食乜好，淨係想食得清啲，經過利舞台就決定食muji cafe. 日系”this this rice” 有涷食既餸，也有熱食的。如果揀三品，就restricted 只可以兩款冷，一款熱，不可以兩款熱一款涷。三品料理套餐已包括餐湯，可選配十六穀飯 / 白飯/ 麵包 / 季節沙律. 上枱當刻覺得每一樣餸得一口size 真係少到有啲😅😅不過食下食下都okay 飽，本身仲話唔夠飽再叫甜品，最後都不用。味道就是清淡的日式家常料理，絕對不會有好味到難忘但會想再食的。

-今日lunch唔想太頹去食車仔麵，唔想太迫去食茶記，唔想太熱氣去食泰國野，所以黎左健康飯堂muji cafe.-食物：午餐同晚餐的menu都一樣，三品($98)或四品($108)或咖哩雞($98)或牛肋條飯($108) 通常都叫三品，即係三餸飯。味道偏清淡，每樣細細碟，但食完又出奇地飽喎。滴露咖啡($19)唔好飲，得苦味，啲豆可能炒過龍，冇nutty，冇酸。-環境：装修係日系muji風。座位舒服，寬闊。員工的服務不錯。-總結：食下muji，清下腸胃。坐得舒服，差完電又要返工Orz

今日去咗利舞台廣場呢頭行街，行到咁上下嘅時候忽然又想食下午茶，就去咗3樓呢一間muji cafe食個下午茶！餐廳裝修以木系為主，坐位亦都算好坐 下午茶時段可以直接入座，唔使等！比較推薦有佢嘅比目魚，比目魚嘅肉質非常滑，配埋佢嘅調味非常好食，比目魚亦都做到唔會好腥既口感，配上五穀飯食嘅時候非常夾！麻醬菠菜都非常好食！新鮮嘅菠菜配上麻醬，口感非常爽，麻章極度將本身菠菜嘅味道提升 最後飲埋佢嘅麵豉湯，亦都唔會太鹹，仲有好多配菜喺入邊，例如菠菜豆腐紅蘿蔔 下午茶黎講非常滿足

無印良品 Muji 俾人簡單舒服嘅感覺唔知食嘅嘢有咩特別 咁啱經過咪去試吓睇完Menu覺得幾健康 蔬菜多少肉 睇落冇咩味精 msg 之類平均 $100個餐 有沙律有麵豉湯 唔包嘢飲所以決定俾個機會試吓佢兩個人食 叫咗一個炆牛肋條飯, 一個四餸飯配上10穀米 ⭐️真係一個亮點 啲飯真係煮得好好食 10份一比例食開白飯嘅我覺得接受到飯真係唯一一個優點其他餸,我指係熱盤 完全唔熱慘過食兩餸飯 份量有少 男士完全食唔飽啲餸完全唔熱 完全冇飽肚感食落去係唔難食嘅 冇咗溫度感情同態度冇下次系列

有時想吃得健康點，就會到這間muji cafe 開餐，喜歡其菜式選擇多，味道清新，吃後不會有太大負擔。餐廳位於muji 店內的一角，裝修走簡約日本風。在櫃枱點餐後，店員就會送上餐點，等候時間約5-10分鐘。每次來都會點他們的料理套餐，除了可多吃幾款菜式外，還配十六穀米和餐湯，而餐湯內會有不少湯料，並非稀流流的湯。冷盤沙律的烹調雖簡單，但味道和配搭一點也不輸蝕，像沖繩苦瓜菠蘿沙律會吃到苦瓜的鮮味和菠蘿的甜味，吃得出是優質食材。熱盤方面，通常都會揀選味道較濃的菜式，像甜椒醬炸雞和黑醋醬豚肉，味道亦不錯，可平衡味道較原始的冷盤。（五品 - $118）甜椒醬炸雞和風醬汁炒八爪魚菠蘿沖繩苦瓜菠蘿沙律烤雜菌伴半風乾蕃茄薯仔沙律（四品 - $110）黑醋醬豚肉百香果醬汁蝦肉粟米沙律帶子南瓜藜麥沙律沖繩苦瓜菠蘿沙律

除左一般香口野，我有時都喜歡食得健康啲架！係銅鑼灣下午想食得簡單健康又有營養，我就會揀Muji cafe嘅三品或四品料理。-🍴餐湯套餐入面會跟埋餐湯，唔係一般淨麵豉湯，會有埋白蘿蔔同菇菌，好豐富。-🍴芝麻醬拌菠菜冬菇好多間餐廳嘅拌菠菜都係我嘅first choice，因為我太喜歡有芝麻香又易入口嘅菠菜。Muji cafe嘅拌菠菜每條都有足夠醬汁，但佢硬身嘅紅蘿蔔絲太多。-🍴烤南瓜雞肉沙律相比之下烤南瓜雞肉沙律嘅南瓜夠香甜，菜夠冧身，驚喜到我連佢紅洋蔥都肯擺入口食埋。-🍴黑醋醬汁炸猴頭菇甜酸中和，味道合心意，好開胃。紅黃椒好吸味，但菇偏硬。-🍴醬燒盲鰽魚魚燒到好乾身，面頭有乾左嘅菠蘿，皮同肉都好有醬嘅香味。-🍴十六穀飯飯係健康十六色米，食唔出全部十六食，但我喜歡健康飯，有啲有啲人會怕健康米煮唔夠軟頂胃，但佢嘅飯身絕對夠軟但又唔會太濕，啱食。-喜歡佢醬汁唔同會盡量分開擺放，一碟慳碗碟但都盡量唔會搞到混醬炒晒車咁。環境略嫌偏凍，熱食都勁快吹凍晒。

行行下mujibb突然眼瞓為咗同時間競賽就近近地在muji cafe來個early dinner其實本來對哩間cafe無咩好感剛剛開業時試過感覺就係貴價嘅3餸飯唔係特別好味當時套餐仲好似一定揀跟飯而我最唔鍾意就係食白飯…😂試咗兒童餐得一個選擇但好合我哋口味通粉有粟米有枝豆有菜蛋餅塊漢堡扒也有豬同雞肉亦有bb最愛嘅藍梅蘋果嘢飲有幾款揀試咗有機豆奶感覺食材配搭營養好均衡比坊間好多兒童餐更花心思係有點意外！

之前都食過幾次Muji嘅日式2餸飯，外賣自取重有85折，不過要去店面落單先有折，手機下單好似無折。佢嘅2餸飯配搭有啲古怪，一係就2個都係蔬菜，一係就一魚一菜，或者2個餸都係肉，我唔想食素，又唔食雞，唯有叫左2個肉類。有機藜麥芝麻烤雞同埋黑醋醬豚肉，配十六榖米同埋日式麵豉湯。餸嘅份量比較少，雞件得2件方件，豚肉就有4條，可能日式嘅餸菜都唔係即製，所以都係室溫，好在飯同湯都係熱嘅。味道方面雞同豚肉都不錯，雞件香滑，有燒烤味，豚肉嘅醋酸甜甜的幾好送飯，只係份量真係太少，而且價錢唔平

Café & Meal MUJI地址:香港銅鑼灣波斯富街99號利舞臺3樓唔知大家有無食過無印CAFE呢？其實我一直都覺得佢啲日式料理套餐全部都好吸引，所以難得經過竟然見到有超值外賣套餐，咁就決家要去食下喇。燒汁燴蘿蔔牛肋條飯 $65牛肋條肉質鮮嫩，煮得相當軟稔，口感好好，好入味；再配上燒汁和又爽又甜嘅紅蘿蔔、白蘿蔔及蘑菇，效果一流，真係好好食，值得一試！意想唔到佢啲米飯粒粒都係用日本米整，超軟糯香甜，正呀。烤鯖魚配菠蘿莎莎・赤味增苦瓜炒豚肉 $65鯖魚煮得岩岩好，都幾嫩滑，而且仲有少少菠蘿香味添，感覺好清新；豚肉炆得都好淋下，好入味，不錯。味噌湯 （跟餐）味道正正常常，冇咩特別。#nicefoodie銅鑼灣 

諗住食番個正正常常的tea set, 見好耐冇食無印，就上利舞台分店。自行用手機落單及付款，見有得揀栗子焙茶米粉卷，滿心歡喜下單要$95，軟雪糕及蛋糕tea set. 手機付款後，待應跑過來話，卷蛋只會在weekend 供應😤⋯⋯weekend 只有cheese cake, 如果早知我唔會揀這個set! 錢都俾咗，只好硬食cheese😓食物奉上（見圖），首先冇蓋住拿出來......軟雪糕半溶......，cheese cake 唔新鮮，咖啡差過茶餐廳，吃咗一半走人.......冇下次！勁失望😞