Made in HK Restaurant (已結業)

向APM行到攰想揾个地方坐下顺便食下嘢， 就嚟到Made In HK Restaurant， 入去睇下menu有乜嘢食， 最后拣咗一个HK Style High Tea Set (2人用) $178加一，Tea set入面有玉桂多士，红豆椰汁糕，焦糖炖蛋，叉烧酥，炸鸡翼，肉酱焗薯皮，夏威夷薄饼，迷你热狗，再包两杯饮品。 玉桂多士比较硬身同埋冻咗。红豆椰汁糕几好味， 好香椰汁味。焦糖炖蛋亦都唔错， 炖蛋好滑。叉烧酥唔好食， 完全食唔到叉烧酥嘅味。炸鸡翼够脆皮，唔错。肉酱焗薯皮 & 夏威夷薄饼，黎到已经冻冰冰。迷你热狗还可以啦，味道普通。总括嚟讲high tea set做得麻麻地， 如果佢送嚟嘅食物可以保持返个温度会比较好， 至于甜品𠮶一part都可以接受！餐厅环境坐得都几舒服， 店员服务普通！