大灰熊廚房 (裝修中)

出得去食饭多，间唔时就想食返啲家常口味，无意中发现咗呢间几啱口味。西湖牛肉羹虽然系好清淡嘅配搭，但食落好鲜甜，平时唔食豆腐都食唔停口，牛肉、豆腐、蛋花、汤羹都好滑，几出色。千岛虾球酱汁较得好好，酸酸甜甜就咁捞饭都好正。 虾球爽滑有虾味，粉浆唔会好厚，火候啱啱好，放多阵都仲系好脆。胜瓜云耳炒牛肉系家常菜嘅味道，胜瓜幼嫩鲜甜，牛肉表面甘香好香口，够晒镬气。土匪鸡翼同谭仔完全唔同，比较似生炸鸡髀嘅风味，略嫌孜然粉味唔算好浓。