影片
更多
2016-09-08
865 浏览
中午时份0系尖沙咀谂住食啲清淡D嘅嘢，去到好多嘢食嘅厚福街，见到有间新开张嘅上海店。上海面清清地都几啱胃口，我就同同事入咗去啦。Menu好简单，基本上都主要分为小食、面食、饮品，三大类别，里边内容其实都算丰富，有唔少选择架。我哋一人拣咗一个面，我拣咗牛腩汤面，而同行嘅同事就拣咗水饺汤面。贪心又大食嘅我哋当然会嗌埋小食啦！我拣咗镇江小排骨，同事就拣咗熏鱼，加多两杯野饮就好满足啦！《牛腩汤面》先试饮一啖汤底，清清地，好香嘅猪骨味。饮多两啖，一啲都唔口渴，应该系冇味精嘅。而个面底绝对系呢间面店嘅亮点，面条粗幼好均匀，除咗面粉味亦都有少少咸味。火候控制得好好，面条完全煮熟，轻轻一夹就断开，但绝对冇过熟，食落口仲好有弹性，有质感，抵赞！牛腩方面，好入味，味道好香浓，而且绝对够火候，牛腩已经炆到好淋。店主亦都好阔绰，牛腩差唔多覆盖晒成个汤面甘多啊！《水饺汤面》汤底同面底同牛腩汤面一样咁吸引，咁高水准。水饺大大只，好足料，馅料亦都好丰富，有菜有肉，比较不足嘅系水饺嘅皮相对厚左少少。《镇江小排骨》话就话系小食，原来一碟都好大碟架！里边有好多旧排骨，当系一个小菜送饭食都得啊！小排骨够火候，煮左好耐，非常
Menu好简单，基本上都主要分为小食、面食、饮品，三大类别，里边内容其实都算丰富，有唔少选择架。
我哋一人拣咗一个面，我拣咗牛腩汤面，而同行嘅同事就拣咗水饺汤面。贪心又大食嘅我哋当然会嗌埋小食啦！我拣咗镇江小排骨，同事就拣咗熏鱼，加多两杯野饮就好满足啦！
牛腩面
$42
29 浏览
0 赞好
0 留言
先试饮一啖汤底，清清地，好香嘅猪骨味。饮多两啖，一啲都唔口渴，应该系冇味精嘅。而个面底绝对系呢间面店嘅亮点，面条粗幼好均匀，除咗面粉味亦都有少少咸味。火候控制得好好，面条完全煮熟，轻轻一夹就断开，但绝对冇过熟，食落口仲好有弹性，有质感，抵赞！牛腩方面，好入味，味道好香浓，而且绝对够火候，牛腩已经炆到好淋。店主亦都好阔绰，牛腩差唔多覆盖晒成个汤面甘多啊！
水饺面
$36
24 浏览
0 赞好
0 留言
汤底同面底同牛腩汤面一样咁吸引，咁高水准。水饺大大只，好足料，馅料亦都好丰富，有菜有肉，比较不足嘅系水饺嘅皮相对厚左少少。
小排骨
$28
17 浏览
0 赞好
0 留言
话就话系小食，原来一碟都好大碟架！里边有好多旧排骨，当系一个小菜送饭食都得啊！小排骨够火候，煮左好耐，非常入味，而且骨肉都已经彻底分离。个汁又好重黑醋味，酸酸甜甜咁，几开胃呀。
熏鱼
$32
8 浏览
0 赞好
0 留言
食亲上海野我就最钟意食熏鱼，呢度既熏鱼有啲特别，系大大嚿嘅。一碟有两大旧，预先已经加炸粉炸好左，鱼肉熏得非常之入味，味道偏甜，送饭一流呀！
饮品方便同普通茶餐厅差唔多，冇乜特别，我就唔介绍喇。
至于价钱绝对非常吸引，我哋两个人食咗咁多野，一人都唔驶一百蚊走人！如果冇我哋咁大食，普通食个面餐＄40左右就有交易，我谂系成条街最平喇！
张贴
