Ben sir豆花店

营业中

休息中

同两老饮完茶，老爸钟意食糖水。就醒起附近有间糖水舖，就决定买几碗外卖返屋企先食。其实路口唔算起眼，不过上次买唔到其他，路过见到就买过绿豆沙俾老爸食，而佢又几钟意，所以今次encore，顺便试埋佢其他糖水。绿豆沙都足料里边落咗海带香草。红豆沙都起沙，另外陈皮味都突出，不过妈子就觉得佢冇刮瓜囊就差少少。红豆沙绿豆沙纯粹试味，自己就食咗一碗芝麻糊同埋黑豆腐花。芝麻糊唔太甜，虽然系冻但系芝麻香味十足。唔太甜亦啱我口味。豆腐花豆味都重，比起一般豆腐花啲味系浓厚d。相对出面新式糖水舖真系食唔到呢啲味道，难得可以食到有心制作嘅糖水，当然要推介一下。因为佢冇堂食，返屋企又远，所以冇叫热，觉得佢热食应更加好味。