影片
更多
2007-07-03
12 浏览
前排实在太热，加上放大假唔想四周走，有晚谂住不如系当时屋企附近食就算，醒起附近有一间食生蚝既餐厅，系呢度睇完食评后，见食评平均都几好，就决定试一试。穿梭于浣纱街之间既小路，四周车房满布，如果唔系住系呢头，都好难为意到呢间小店既存在。由于无订位，只得返门口位，好彩未到太热，于是就坐下来。餐牌上无太多既选择，得1版。我地点左个生蚝拼盘、鸭干扁意粉同埋朱古力心太软。个拼盘有10只生蚝(5款x 2@)、2只翡翠螺同埋2杯house white，都只系$298！本身比较怕有海水味既生蚝，所以同老板讲声，老板即刻回答会唔拣澳洲生蚝，态度几好。先黎两杯house white，本身对white wine真系麻麻，好怕个阵酸宿同腥腥地既味，不过食生蚝都系饮house white比较适合，于是乎就系无咩期望下试左一口... 咦，竟然无我好怕个阵味！通常要比较靓同贵既house white先至有呢个水准，估唔到随拼盘附送既都有咁既水准！先黎一个惊喜！跟住再黎生蚝拼盘，通常都只会俾1-2旧柠檬，估唔到呢度好大方咁俾左6片之余仲要砌得好靓呢！生蚝有大有细，但系平均水准都几好，真系无我好怕既海水味，而且只只都系新
穿梭于浣纱街之间既小路，四周车房满布，如果唔系住系呢头，都好难为意到呢间小店既存在。
由于无订位，只得返门口位，好彩未到太热，于是就坐下来。
餐牌上无太多既选择，得1版。我地点左个生蚝拼盘、鸭干扁意粉同埋朱古力心太软。
个拼盘有10只生蚝(5款x 2@)、2只翡翠螺同埋2杯house white，都只系$298！本身比较怕有海水味既生蚝，所以同老板讲声，老板即刻回答会唔拣澳洲生蚝，态度几好。
先黎两杯house white，本身对white wine真系麻麻，好怕个阵酸宿同腥腥地既味，不过食生蚝都系饮house white比较适合，于是乎就系无咩期望下试左一口... 咦，竟然无我好怕个阵味！通常要比较靓同贵既house white先至有呢个水准，估唔到随拼盘附送既都有咁既水准！先黎一个惊喜！
跟住再黎生蚝拼盘，通常都只会俾1-2旧柠檬，估唔到呢度好大方咁俾左6片之余仲要砌得好靓呢！生蚝有大有细，但系平均水准都几好，真系无我好怕既海水味，而且只只都系新鲜开，好鲜甜！美国个只仲要肥大肉厚，我自己一口都食唔哂呢！至于个翡翠螺就无咁出色，比较「韧」，反而系西环第三街个间BBQ好食好多~
食完后，就黎个鸭干扁意粉，意粉个texture处理得几好，够烟韧，而且用牛油黎炒，好香口，鸭干份量唔多，不过就有一粒粒白菌伴住食，口感都唔错，不过我自己就略为多油，如果可以少油就更好~ $105就略为贵左少少，因为份量都几少~
最后就系呢个朱古力心太软，其实个碗仔入面有个vanilla雪糕架！不过我太心急，未影相就食左佢落肚，唯有咁样影返俾大家睇啦！个雪糕都ok，个cake个皮就做得麻麻，不过个软心都ok既~ 以$55黎讲算不过不失了。
两个人最后卖单$460左右，感觉上系相当唔错，如果下次黎我一定会订位，因为舖位好细，得4张台咋！呢个天气一定要坐入面先好~ 我下次都会再试个生蚝拼盘同埋试埋其他野呢！
其实我之后都仲有去食多次，不得不提既系佢既凯撒沙律！真系系出面未必食到呢！无论汁酱、面包粒、烟肉粒都系自家制，再加埋粒粒芝士，真系食到唔停得口呢！
张贴
