日悅極尚日式放題 (已結業)

虽然呢间系放题专门店，但午市为左赚埋附近office番工啲人，午市系有午餐定食。价位都系5x~8x再加一都有。午餐定食包括沙律、定食、饮品、同甜品。味噌汤就唔系个个餐有。食乌冬既餐系冇汤。呢日点左「和风猪肉丼」定食。就咁睇似韩风多过和风啰。认唔认到系咩配菜？系螺肉、泡菜、芽菜、中华沙律。系食旺角冷面果啲𩠌。和风呢？会唔会犯商品说明条例架？不过，一个普通打工仔既午餐黎讲，我接受。另外一日，点左卷物餐。同吉x岛果啲差唔多啦。OK接受到啲火炙寿司都真系不错，烧三文鱼都有入口即溶。午餐时间1点都绝对有位，应该系附近写字楼既喜讯。