甘味讚岐手打烏冬 (已結業)

老老实实，将军澳商场多，连锁食肆亦多。11点几未到lunch繁忙时间，见餐厅开左，就呢间啦!时间尚早，餐厅入面食客唔算多，可以坐得松动d。睇下餐牌，最终决定食「豚似生姜烧定食」。面豉汤：有葱花同面豉，咸咸地，无咩特别。粟米沙律：见佢个样颓颓地，无咩期望之下，估佢唔到d粟米又几ok，清甜，蛋黄酱亦无喧宾夺主。主角豚肉生姜烧：最夺目o既一定系果2片鲜黄o既萝卜干，为什么要放上去呢？稔唔明...d味都唔夹，其实佢当渍物分开上会好d。等我夹返块豚肉食o下先，哗！不得了真系，o赵到我牙骹都软埋，典解...典解猪肉可以硬成甘？定系我年纪大喇，牙力唔够好？呜...五谷饭：原来......主角其实系佢! 米饭做到粒粒分明，谷物香味四溢，夹起米饭唔散，黏度十足，呢个饭混合不同谷物，好有咬劲，几好。