聚小館 (已結業)

聚小馆 系大角咀马会附近有间小店，虽然店内装潢同一般茶餐厅分别不大，但餐牌上有有不少特色小菜，我今日就路经大角咀，决定一试特色。入去时系午市，餐牌上好多选择，店员定唔知系老细走埋黎推荐两个餐，分别系黑松露北海道元贝赞歧乌冬同龙虾汤西施泡饭。黑松露北海道元贝赞歧乌冬先讲个乌冬，汤底够味，但唔系特别浓郁，清清地，配料都系一啲野菌类，而主角之一元贝唔系特别大颗，数量亦不多，乌冬就因为系赞歧既，口感有弹牙感觉，尚可，有啲餐厅会煮得过火引致太软，分量一般，男仔食一个可能会唔够饱肚，呢个整体三粒星。🌠🌠🌠龙虾汤西施泡饭呢个店员话主角系个汤，配料无太大特色同冲击，就主要系一啲肉碎同饭焦，店员上菜时将饭焦全斗进煲饭入面，有视觉冲击，「炸」一声💥💥的而且确，个汤系感觉好有龙虾味道，真材实料，但同西餐饮既龙虾汤有分别，就系呢个汤不稠既，比较稀，可能因为中西式煮法分别，但缺点真系配料上十分单调，建议可以加啲海鲜例如鱿鱼、虾、青口、蚝仔等，丰富个饭，整体三星半分。✅✅✅☑️