佳人餐廳 (已結業)

今日同大少去咗金鱼街买鱼缸，买完又谂唔到食咩，最后我本来话去食斋，点知……经过佳人餐厅，次次都见到好吸引，不过每次经过都系已经食饱，今次，决定去试吓，见佢又唔系贵~罗宋汤 - 唔系好够浓味，感觉似系就收工，唔够汤加水咁~烧春鸡 - 呢个鸡烧得唔错，虽然我地只系叫半只，但系都觉得好多，皮脆肉嫩，见佢好似好多香草，但系其实食落唔系好重香草味，可以接受星级海鲜薄饼 - 有蟹柳、虾、墨鱼，不过我觉得个饼底用千岛酱会好过蕃茄酱，虽然味道都好唔错，但系，海鲜硬系觉得同千岛酱夹好多~椒盐豆腐 - 嗯……呢个椒盐豆腐，完全唔椒盐，个豆腐都炸得几脆，可憎系个椒盐争少少，如果加少少淮盐我觉得会好好多~~