東海堂 (已結業)

今日文员话我们走的同事临走时放低左几张饼咭，想食左去，但得三张饼咭要十几人食，后来我同佢讲，呢间饼店有鸡批，有芝士挞，个价钱可以配合到。我同事就换左一些芝士挞，同一些鸡批，上次我介绍左鸡批，今次唔多讲，今次只讲芝士挞，买到返黎就立即开黎食，文员买左几个芝士挞，因为唔知好唔好食，所以只系换左几个返黎，我就食左其中一个，每个芝士挞个面头受热都唔系太平均，有些就㶶啲，有些就唔浓，我就拣左一个平均一点的，挞皮都好脆口，芝士味就唔太浓，入面既芝士饀一点都不滑，仲有啲鞋，食落个口感唔多好。如果比我拣，我情愿食鸡批都唔食佢，佢仲比鸡批还贵多几蚊，一点都不值！