Seafood Stand (已結業)

潜咗水咗耐第一次写食评。住喺同区成日经过都冇试过，一直揾唔到机会试。加上疫情少左出门，今日终于试到。堂食免加一，外卖再9折，想食burger好耐，叫左个鱼柳堡加$18配嘢饮小食，折左都系$57。外卖等咗几个字，即叫即整所以冇咁快。番屋企大约半个钟，个鱼仲有微脆，相信堂食会更好味。鱼唔会炸得老，但又未话好juicy𠮶种；配左蕃茄沙律菜同某当嘅鱼柳包酱，简简单单。个包几好食，软属。最加分系块鱼柳，因为够大、唔腥又好食。成个burger份量大约系一只好勉强揸住咁大但又唔会跌𠮶种。成个burger实物同照片完全相符𠮶吓好嘢！小食拣左炸三文鱼块，系两条好似食指咁上下大嘅鱼柳，冇咩惊喜。另外配咗涷蜜桃茶，系正常蜜桃茶甜甜地嘅味，冇异样。夜晚食呢个餐份量绝对啱啱好，男士可能再加多个小食就一定够饱。最后张单小贴心「香港人加油」。以咁嘅价钱绝对值回票价，要食高级贵价burger嘅朋友就唔好嚟呢度喇！🙈希望下次继续支持小店试埋其他burger同套餐。