海街丼 (海光街) (已搬遷) 新店位置

去开鲗鱼涌做嘢，晏昼想食鱼生饭，此区有两间想试，睇过餐牌，见海街丼价钱平少少就先试。环境几有日本feel，钟意嘅，不过座位有少少迫，写字楼区地铺系咁上下。叫咗吞拿鱼蓉蟹丼$150，摆上枱时颇惊喜，系几靓，但望真啲，𩠌唔算丰富。吞拿鱼蓉都几黏腍送饭唔错，蟹膏反而量多，咸香啱口味，怕腥者或不喜欢，三文鱼子份量相对少呢。前菜的寿司醋果冻则太酸，有啲乸喉，咳咳。加一$165埋单，一般般，间中一次lunch，尚可。