聰嫂‧原素 (已搬遷) 新店位置

咁岩行开去北角附近，喺大街度一路行一路睇下有咩好食。以前其实就唔会特登去食素，但见到呢间素食餐厅，好似有d印象唔记得喺电视定报纸杂志见过，又咁岩系Green Monday，咁就一于唔食肉健康下。餐厅唔算大，所以座位就比逼少少。Menu上面既选择都唔少，睇左一轮，虽然见隔离枱个炒乌冬都唔错，但就想试下鱼香茄子饭。个饭上到黎，真系完全睇唔出系素既鱼香茄子饭。当然鱼香茄子本身就唔系多肉既送，但面头都会有肉碎同咸鱼粒。呢张相俾朋友睇，个个都问碟饭有咩特别要影，之后话系素食佢地都话睇唔出。个饭上到枱热辣辣，闻落都好香。一食，发觉佢竟然都有唔系素既鱼香茄子既果种咸香味，确实几神奇。茄子整得好食，肉碎既口感都唔错，成个汁唔止色水似，味道都几似平时既鱼香茄子。所以，整体黎讲都几好食。我觉得呢间餐厅其中一个好既地方系佢既价钱同平时喺茶记食既碟头饭差唔多，甚至仲平d。素食既价钱不嬲同材料冇太大既关系，就算佢唔落鱼唔落肉，普遍都比唔系素食仲要贵。但呢个饭只系要四十几蚊，仲有埋野饮，真系几抵食。