薩莉亞意式餐廳 (已搬遷) 新店位置

以前好少食萨莉亚，因为次次排队都排到想死...但自从有次下就大约3点左右去左食，发现萨莉亚既午餐餐牌系去到5点！点解要提午餐餐牌？因为只有午餐时段唔洗加12$就可以任饮！平时去食真系好少加12蚊，话多虽然唔多，但都唔算少总括而言，只要下午3点左右去，一来免去排队、迫既烦恼，二来净叫个饮又可以任饮饮品，极之抵食！简直系完全体验到萨莉亚既魅力！至于食物方面，最常叫既就系42$既鸡扒铁板餐，无他既，真系大件夹抵食，而且再叫个沙律/汤/小食，亦唔算太贵，可以以平民价感受意式美食，真系非常感谢萨莉亚。但一对中染萨莉亚有小挑剔既，就系地板清洁...每次系店入面行去加饮，鞋底总会感到痴立立...